देश मा कोरोना से 1300 से ज्यादा लोखुं की मौत
देश मा कोरोना अपणु विकराल और भयावह रूप दिखोणु च. कोरोना से संक्रमित लोखुं संख्या बड़ीकी 40 हजार का पास पहुंच गी. मौते संख्या 1301 च. वखि, राहत वली बात यू च कि अब तलक 10633 लोग ठीक ह्वेगिन.
दिनभरै खास खबर, एक नजर मा. कोरोना संक्रमित लोकपाल सदस्य अजय त्रिपाठी की मौत
कोरोना संक्रमित लोकपाल सदस्यद रिटायर्ड जस्टिस अजय त्रिपाठी की आज मौत ह्व़े गी. वू 62 साल का छा. बते जाणु च कि आज उन्ते दिले दौरा पड़ी, जेका बाद उन्की मौत ह्व़े गी. उनकी नौनी भी कोरोना पॉजिटिव च.
सीआरपीएफ मुख्यालय सील
केंद्रीय रिजर्व पुलिस बल (सीआरपीएफ) का एक वरिष्ठ अधिकारी का निजी कर्मी ते कोरोना. जेका बाद एतियात का तौर पर मुख्यालय ते करिगे सैनेटाइज. अगला आदेश तक मुख्यालय सील.
कोरोना वीरों पर आज सेना न करी फूले बारिश
कोरोना महामारी का खिलाफ जंग मा अपनी जाने परवाह का बगेर अस्पताल मा डटयां डॉक्टर और अन्य कर्मचारियों पर सेना न फूल बरसे. आज वायु सेना का जवानों न कश्मीर बटी कन्याकुमारी तक कोरोना अस्पताल पर करी फूले बारिश. ऋषिकेश एम्स का उपर भी बरसिन फूल, जेका बाद अस्पतालक डॉक्टरों का चेहरा खिल उठिन.
सेना और आतंकियों मा मुठभेड़, 5 जवान शहीद
जम्मू-कश्मीर का हंदवाड़ा मा सेना और आतंकियों का बीच ह्व़े मुठभेड़. जेमा एक कर्नल और मेजर समेत पांच जवान शहीद ह्व़े गिन. इंमा एक जवान उत्तराखंड का अल्मोड़ा कू रेंण वलू दिनेश सिंह भी छो. दिनेशे शहीद होणे खबर का बाद उन्कू गौ मेर ध्याड़ी मा मातम पसरी.
पंचतत्व मा विलीन शहीद शंकर सिंह
शहीद शंकर सिंह मेहरा कू शरीर पंचतत्व मा विलीन ह्व़े गी. सैन्य सम्मान का साथ उन्कू अंतिम संस्कार ह्व़े. इंसे पेहली आज दोपहर शंकर सिंह कू पार्थिव शरीर सेना का हेलीकॉप्टर बटी पिथौरागढ़ पोंछी. इं मौका पर शहीदे अंतिम दर्शन खुंण बीजा लोग छा पोंछ्या.
ऋषिकेश एम्स मा एक और नर्सिंग स्टाफ पर कोरोना
एम्स ऋषिकेश मा एक और नर्सिंग स्टाफ पर कोरोना की पुष्टि ह्व़े. बते जाणु च कि यूरोलॉजी डिपार्टमेंट मा काम कन्न वली वे नर्सिंग स्टाफ कू ब्याली शाम सैंपल ले छो. वे मेहला का घोर और आसपास का पुरु इलाका सील. अब प्रदेश मा कोरोना संक्रमितों की संख्या ह्व़े गी 60.
ट्रक ड्रेवर मा कोरोना का बाद द्वी फैक्ट्री सील
ट्रक ड्रेवर मा कोरोना पॉजिटिव का बाद पुलिस न वेकि ट्रेवल हिस्ट्री निकाली. जेका बाद सिडकुल पंतनगरे द्वी फेक्टरियों ते सील करी. अगला आदेश तक द्वियों फेक्ट्री मा आवाजाही राली बंद.
देहरादून बटी पौड़ी पोंछिन 500 लोग, सभी ते करी गे क्वारंटाइन
लॉकडाउन का वजह से देहरादून मा फस्यां पौड़ी का 500 लोग शनिवार शाम देहरादून बटी पौड़ी पोंछिन. सभी लोखुं ते प्रशासन न भेजी होम क्वारंटाइन.
इंजीनियरिंग कॉलेज का छात्रों न बणे कोरोना वेबसाइट
द्वाराहाट इंजीनियरिंग कॉलेज का छात्रों न कोविड-19 वेबसाइट तैयार करी. इं वेबसाइट का जरिया 2 किलोमीटर का अंदर मा कोरोना का मरीजों की मिल जाली जानकारी. उन covid19uttarakhand.org नाम से करीं च वेबसाइट तैयार.
