जयपुर. आगला म्हीना की पैली तारीक यानी एक नवंबर सू आपरी गोजा ढीली हो सकै है. दरअसल, एक नवबंर सू देस रा कई सेक्टरां मांय बदलाव होई सकै है. जीरै मांय बैंक, रेलवे अर गैस बुकिंग भी शामिल है.
इण सारु आपनै सचेत रैबा री भी जरूरत व्हैला.1 तारीक सू बैंका रा पिस्या जमा करबा नै लैर भी रिपिया वसूल्या जावैला. तो निकाळबा नै लैर भी खर्चो होसी. रेलवे रो टैम भी बदलीज्बा री बात सामी आई है. तो गैस सिलेण्डर नै बुक करबा रा नैम कायदा भी बदलीज रैया है.
बैंक मांय पिस्या जमा करबा नै लागसी खरचो
एक नवंबर सू नुआ नैम रा हिसाब सू आपरा बैंक रा खाता मांय पिस्या जमा करबा अर निकाळबा नै खरचो लागसी. बैंक ऑफ बड़ौदा (बीओबी) इरी सरुआत करी है. आगला म्हीना सू तय सीमा सू बत्ता काम करबा पै पिस्या लागसी. बठै ही ग्राहक नै लोन खाता खातर 150 रिपिया चुकाणा पड़सी.
आ भी पढ़ो सा-बजरंगी भाईजान री 'मुन्नी' करयो 'गौरा-गौरा मुखड़ा' पर जबरो नाच
बचत खाता की बात करां, तो इस्या खाताधारक तीन गुणा तक धनराशि जमा करबा पै कोई खरचो कोनी होसी. पण चौथी बर मांय बानै 40 रिपिया दैवणा पड़सी. बठै ही जनधन खाताधारकों नै राहत रैवेला. बाकै पिस्या कोनी लागै पण निकाली माळै सौ रिपिया लागसी.
तो बदल जासी ट्रेनां रो टाइम टेबल
भारतीय रेलवे देस रा रेलां मांय समय बदलसी. पैली 1 अक्टूबर सू रेल रो टेम मांय बदलाव होवतो हो. पण कोई कारण सू इनै 31 अक्टूबर ताय कर दियो गियो. इकै पाछै अब 1 नवंबर सू नुओ समय आवसी. इरै पाछै 13 हजार यात्री गाड़ी अर 7 हजार मालगाड़ी रो टैम बदलीजेला. करीब 30 राजधानी गाड़ी रो समय बदलीजसी.
गैस सिलेंडर खातर दैवणो पड़सी ओटीपी, इंडेन गैस बदल्यो बुकिंग रो नंबर
अगर थे इंडेन रा ग्राहक हो, तो आप पुराणा नंबर माळै गैस बुक कोनी कर सकोला. इंडेन आपरा एलपीजी ग्राहकां नै बारां पंजीकृत मोबाइल नंबर सू गैस बुकिंग रो नुओ नंबर भेज्यो है. अब इंडेन गैस रा ग्राहक एलपीजी सिलेंडर बुक करबा खातर 7718955555 पर कॉल या एसएमएस करणो पड़सी.
