મોરબી પેટા ચૂંટણીઃ ભાજપ પ્રદેશ પ્રમુખ સી. આર. પાટીલનો પ્રવાસ, કાર્યકરો-આગેવાનો સાથે મિટિંગ યોજી

મોરબી : વિધાનસભાની પેટા ચૂંટણીને ધ્યાને રાખીને સોમવારે પ્રદેશ ભાજપ પ્રમુખ સી. આર. પાટીલ મોરબીના પ્રવાસે આવ્યા છે. મોરબીના હરભોલે હોલ ખાતે ભાજપ કાર્યકરો અને આગેવાનો સાથે બેઠક કરી હતી, તેમજ ચૂંટણી સંદર્ભે ચર્ચાઓ કરી હતી. પાટીલે જણાવ્યું હતું કે, કાર્યકરોનો ઉત્સાહ અને પ્લાનિંગ જોઇને બ્રિજેશ મેરજા જંગી લીડથી વિજયી બનશે. તાજેતરમાં કોંગ્રેસની સભામાં ઉદ્યોગપતિઓને ધમકી મામલે સવાલ કરતા સી. આર. પાટીલે જણાવ્યું હતું કે, ભાજપ બધાને સાથે રાખી આગળ વધે છે, ધમકાવવાથી મત ના મળે અને બધાને સાથે લઈને ભારતીય જનતા પાર્ટી ચાલે છે.