Gujarat Gram Panchayat election Result 2021: નવસારીના 269 ગામોના ભાવિ સરપંચ અને વોર્ડ સભ્યો માટે મતગણતરીનો પ્રારંભ
નવસારી: જિલ્લાના 269 ગામડાંઓમાં ગત રવિવારે ચૂંટણી (Gujarat Gram Panchayat election Result 2021) યોજાયા બાદ આજે મંગળવારે 9 વાગ્યાથી મતગણતરી શરૂ થઇ છે. જિલ્લાના છ તાલુકા મથકો પર મતગણતરી કેન્દ્રો પર ચુસ્ત પોલીસ બંદોબસ્ત વચ્ચે રખાયેલી મતપેટીઓને સ્ટ્રોંગ રૂમમાંથી બહાર કાઢી મતગણતરી (counting of votes) રૂમમાં પહોંચાડવામાં આવી હતી. અહીં રિટર્નિંગ ઓફિસર અને અન્ય કર્મચારીઓ દ્વારા ઉમેદવારોની હાજરીમાં મતપેટીઓને ખોલી બેલેટ પેપર ટેબલ પર ઠાલવવામાં આવ્યા હતા. જે બાદ સરપંચ અને વોર્ડના સભ્યોની મતગણતરીનો આરંભ થયો હતો.