અંકલેશ્વરના કાપોદ્રા ગામની સીમમાં 15 પશુઓના શંકાસ્પદ મોત
ભરુચ : અંકલેશ્વર તાલુકાના કાપોદ્રા ગામની સીમમાં 15 ભેંસના રહસ્યમય સંગોજોમાં મોત નિપજતા પશુ પાલકોમાં રોષ જોવા મળી રહ્યો છે. ઝેરી પદાર્થ આરોગી જતા ભેંસનાં મોત નીપજ્યા હોવાનું અનુમાન છે. ગામના સરપંચ અને પશુ દવાખાને જાણ કરતા અધિકારીઓ સ્થળ પર પહોંચી અન્ય ગાય-ભેંસને ઝેરી અસર થઇ હોય તેઓને સ્થળ પર સારવાર આપી હતી. મૃત ગાય-ભેસનું પોસ્ટમોર્ટમ કર્યું હતું. બનાવ અંગે તાલુકા પોલીસ મથકે ફરિયાદ નોંધાવતાં પોલીસે ફરિયાદ નોંધી આગળની કાર્યવાહી હાથ ધરી છે.