CM રૂપાણીએ નવા વર્ષની શુભેચ્છા પાઠવી

ગાંધીનગર: મુખ્યપ્રધાન વિજય રૂપાણીએ નવા વર્ષની શુભેચ્છાઓ પાઠવી છે. મુખ્યપ્રધાને આ ઉમંગ પર્વની શુભકામનાઓ આપતા જણાવ્યું હતું કે, આ પર્વ-ઉત્સવ-તહેવાર ઉમંગ ઉલ્લાસ સાથે નવી તાજગી-નૂતન ચેતનાનો સમાજ જીવનમાં સંચાર કરતા હોય છે. ગુજરાતના સૌ નાગરિકોને દિપાવલી પર્વ અને નૂતન વર્ષની અનેક શુભેચ્છાઓ પાઠવતા મુખ્યપ્રધાને કહ્યું કે, ગુજરાતીઓ માટે તો દિવાળીનું આ પ્રકાશ પર્વ અને તે પછીના દિવસે શરૂ થતું વિક્રમ સંવતનું નૂતન વર્ષ નવા સંકલ્પો-વિકાસપથ પર ગતિ-પ્રગતિના નિર્ધારનું પર્વ છે.