પોરબંદરમાં કોસ્ટ ગાર્ડ અધિકારીના ઘરમાંથી 3 લાખના દાગીનાની ચોરી
પોરબંદરઃ શહેરમાં કોસ્ટ ગાર્ડ આસિસ્ટન્ટ કમાન્ડર તરીકે ફરજ બજાવતા પશ્ચિમ બંગાળના વતની રાજેશ ઉમાશંકર પાલે ફરિયાદમાં જણાવ્યું હતું કે, પોતે 20 દિવસ પોતાના વતન પશ્ચિમ બંગાળમાં રજા પર ગયા હતા. તે દરમિયાન પોરબંદર ખાતે આવેલા સિદ્ધિ વિનાયક એપાર્ટમેન્ટના ફ્લેટમાં તસ્કરોએ ઘુસી દરવાજાના નકુચા તોડી કબાટમાંથી સાડા ઓગણીસ તોલા દાગીના સોનાના દાગીના જેની કિંમત 2,92,500 રૂપિયા થાય છે. તે ચોરી તસ્કરો ફરાર થઈ ગયા હતાં. હાલ, પોલીસે આ ફરિયાદના આધારે તસ્કરોને પકડવાની કાર્યવાહી હાથ ધરી છે .