રાજકોટમાં નજીવી બાબતે ધોરણ-8ના વિદ્યાર્થી પર છરી વડે હુમલો

રાજકોટ: શહેરના જંક્શન વિસ્તારમાં સામાન્ય બાબતે ધોરણ-8માં અભ્યાસ કરતા વિદ્યાર્થી પર છરી વડે હુમલો કરવાની ઘટના પ્રકાશમાં આવી છે. વિજય ચૌહાણ નામનો તરૂણ તેના મિત્રો સાથે પુસ્તક લેવા ગયો હતો તે દરમિયાન બે ઈસમોએ બાઇક હટાવવા જેવી સામાન્ય બાબતે વિજય પર છરી વડે હુમલો કરવામાં આવ્યો હતો. જે દરમિયાન વિજય ઇજાગ્રસ્ત થતા તેને તાત્કાલિક હોસ્પિટલમાં સારવાર હેઠળ ખસેડવામાં આવ્યો હતો. બીજી તરફ વિદ્યાર્થી પર હુમલો થવાની ઘટના સામે આવતા પોલીસ તંત્ર પણ ઘટના સ્થળે તાત્કાલિક પહોંચ્યું હતું. તેમજ ઘટનાની ગંભીરતાને જોઈને તાત્કાલિક બે આરોપીઓની ધરપકડ કરી હતી. પોલીસની પ્રાથમિક તપાસમાં ઝડપાયેલા બન્ને આરોપીઓ સગીર છે. હાલ તેમના વિરૂદ્ધ પોલીસે કાયદેસરની કાર્યવાહી હાથધરી છે.