જૂનાગઢના માંગરોળના ગ્રામ્ય વિસ્તારોમાં પવન સાથે ભારે વરસાદ
જૂનાગઢઃ જિલ્લાના માંગરોળના ગ્રામ્ય વિસ્તારોમાં ધોધમાર વરસાદ વરસ્યો હતો. પવન સાથે થયેલા ધોધમાર વરસાદને પગલે જળબંબાકારની સ્થિતિ સર્જાઈ હતી. વરસાદને કારણે નદી-નાળા છલકાઈ જવાથી ખેડૂતોમાં ખુશીનો માહોલ જોવા મળી રહ્યો છે. આ વરસાદ થવાથી મગફળીના પાકને ફાયદો થશે. જ્યારે શાપુર કોલેજ રોડ નજીક સોસાયટી વિસ્તારમાં ઘુંટણ સમા પાણી ભરાઈ ગયા હતા. ધોધમાર વરસાદને પગલે જુથળ તરફ જતા રસ્તે પાણી ફરી વળતા થોડા સમય માટે વાહન વ્યવહાર ઠપ્પ થયો હતો.