જામનગરમાં ફૂડ વિભાગના દરોડા, 3 મીઠાઈની દુકાનોમાંથી લેવાયા નમૂના

જામનગરઃ શહેરમાં ફૂડ વિભાગ દ્વારા મીઠાઈના વેપારીઓને ત્યાં દરોડા પાડવામાં આવ્યા હતા. હિરજી મિસ્ત્રી રોડ અને પ્લોટ નંબર 58માં આવેલી મીઠાઈની દુકાનો ઉપર ચેકિંગ હાથ ધરવામાં આવ્યું હતું. ત્રણ જેટલી દુકાનોમાંથી મીઠાઈના નમૂના લઈ વડોદરા લેબોરેટરીમાં મોકલી આપવામાં આવ્યા હતા. જન્માષ્ટમીના તહેવાર નિમિત્તે લોકોને શુદ્ધ અને ચોખ્ખી મીઠાઈ મળે તેવા ઉદ્દેશથી વિવિધ મિઠાઈની દુકાનોમાંથી નમૂના લેવામાં આવ્યા હતાં. ત્યારે વેપારીઓને મીઠાઈની ગુણવત્તાને લઈને કડક સૂચનો આપવામાં આવ્યાં હતાં.