જામજોધપુરમાં સાંસદ પુનમ માડમનો અભિવાદન સમારોહ યોજાયો
જામનગરઃ જિલ્લાના જામજોધપુર સિધ્ધેશ્વર મહાદેવ મંદિરમાં સાંસદ પુનમ માડમનો અભિવાદન સમારોહ યોજવામાં આવ્યો હતો. જેમાં પુર્વ પ્રધાન ચિમનભાઈ સાપરીયા, પુર્વ ધારાસભ્ય બ્રિજરાજસિંહ જાડેજા, જિલ્લા ભાજપ પ્રમુખ ચંદ્રેશ પટેલ જિલ્લા મહામંત્રી ચેતન કડીવાર સહિત શહેર તેમજ તાલુકા તમામ કાર્યકતાઓ ઉપસ્થિત રહ્યા હતા. સાંસદ પુનમ માડમને જામજોધપુર ચેમ્બર ઓફ કોમર્સ જેવી વિવિધ સંસ્થા, વિવિધ મંડળી દ્વારા સન્માનિત કરવામાં આવ્યા હતા. તેમજ જામજોધપુર સહિત આજુબાજુના વિસ્તારમાંથી પધારેલા ઘુનડાના જેન્તીરામ બાપા ભુવા સહિતના સંતોએ સાંસદ પુનમ માડમનું સન્માન કરી આશીર્વાદ આપ્યા હતા. તેમજ પુનમ માડમે આ ઐતિહાસિક જીત બદલ તમામ કાર્યકર્તાઓનો આભાર માન્યો હતો.