સુરત: કારીગર લુમ્સ મશીનમાં ફસાયો, જુઓ વીડિયો..

સુરત: શહેરના આંજણા વિસ્તારમાં એક લુમ્સ કારખાનાના CCTVમાં કેદ થયેલા દ્રશ્યો ચોંકાવનાર છે. એક કારીગર લુમ્સ મશીનમાં ફસાઇ જાય છે અને આશરે ત્રણથી ચાર વખત તે મશીનની લપેટમાં આવી જતા મશીનની સાથે કારીગર પણ ફરતો જોવા મળે છે. આ હચમચાવી દેનારા તસવીર CCTVમાં કેદ થઈ હતી. સુરતના આંજણા વિસ્તારમાં આવેલા એક લુમ્સ કારખાનામાં કામ કરી રહેલા કારીગર અચાનક જ મશીનની અડફેટે આવી જતા તે મશીન સાથે ત્રણથી ચાર વાર ફરતો જોવા મળે છે. CCTVમાં કેદ થયેલા દ્રશ્યો પ્રમાણે કારીગર જ્યારે બુમ પાડે ત્યારે તેના અન્ય સાથીદારો આવીને મશીન બંધ કરે છે અને તેને હેમખેમ બહાર કાઢે છે.