પંચમહાલના શિક્ષકને નવીન કામગીરી માટે કરાયા સન્માનિત
પંચમહાલ: જિલ્લાના વડા મથક ગોધરા ખાતે વહીવટી તંત્ર દ્રારા શિક્ષકદિનની ઉજવણી કરવામાં આવી હતી. જેમાં મોરવા હડફ તાલુકાના દાંતીયા પ્રાથમિક શાળા ખાતે ફરજ બજાવતા ઈમરાન શેખને તેમની શાળામાં નવીન રચનાત્મક પ્રવૃત્તિને લઇને જીલ્લા વહીવટી તંત્ર દ્રારા પારિતોષીક સન્માન કરવામાં આવ્યું હતું. ઇમરાને દેશના વડાપ્રધાન નરેન્દ્રભાઈ મોદીના સ્વચ્છ ભારત અભિયાનના મિશનથી પ્રેરાઈને "ડિઝિટલ ડસ્ટબીન"ની કૃતિ બનાવી હતી. જેને તાલુકા કક્ષાએ વિજ્ઞાન પ્રદર્શનમાં વિજેતા જાહેર કરાઇ હતી. ત્યારબાદ રાજ્યકક્ષાએ વિજેતા બન્યા બાદ નેશનલ કક્ષાએ પસંદગી પામી હતી.