બીજેપીના ધારાસભ્ય બલરામ થાવાણીની પ્રેસ કોન્ફરન્સ, જાણો...મહિલાને માર મારવા અંગે શું કહ્યું..?
અમદાવાદઃ નરોડાના ધારાસભ્ય દ્રારા રવિવારના રોજ મહિલા સાથે માર મારવાની ઘટનામાં સોમવારના રોજ તેમના દ્વારા કબૂલાત કરવામાં આવી હતી કે, ‘મારાથી ભૂલ થઇ છે અને આ વાતનું ઘણુ દુઃખ છે અને જોશમાં હોવાના કારણે આ ભૂલ થઇ હતી.’ આથી તે મહિલાની માફી માંગશે અને વધુમાં એ પણ જણાવ્યું હતું કે, ‘હું પણ માણસ છું. આ કારણે જ જોશમાં આવી મહિલાને માર માર્યો હતો. મારે કોઇને બદનામ કરવાનો કે દુઃખ પહોંચાડવાનો એવો કોઇ ઇરાદો ન હતો અને આ કૃત્યથી પાર્ટીએ પણ મને ઠપકો આપ્યો છે.’