વડોદરા શહેરમાં ગુરુનાનક જયંતીની ઉજવણી કરાઈ

વડોદરાઃ શહેરમાં ગુરુનાનકની 550મી જન્મ જ્યંતિની ધાર્મિક કાર્યક્રમો સાથે ઉજવણી કરવામાં આવી રહી છે. વડોદરામાં પણ શીખ સમુદાય દ્વારા નાનકવાડી ગુરુદ્વારામાં કીર્તન, લંગર, બ્લડ ડોનેશન જેવા સમાજને મદદરૂપ થાય એવા સેવાકીય કાર્યો કરીને પ્રકાશપર્વની ઉજવણી કરવામાં આવી હતી. ગુરૂ નાનકદેવજીએ શીખ લોકોને આપેલા સંદેશા મુજબ ઈશ્વરની આરાધના, મહેનતની કમાણી અને ગરીબોને દાન તેમજ સામાજિક એકરૂપતાના સિદ્ધાંતને અનુસરીને ગુરુનાકજીની જન્મજયંતીની ઉજવણી કરવામાં આવે છે. શહેરના ખંડેરાવ સ્થિત નાનકવાડી ગુરુદ્વારામાં ગ્રંથ સાહેબના દર્શન કરવા મોટી સંખ્યામાં શીખ સમુદાયના લોકો જોડાયા હતાં.