વલસાડઃ અમદાવાદમાં કૃષ્ણ નગર પોલીસ મથકમાં ફરજ બજાવતા હેડ કોન્સ્ટેબલનું કોરોના વાઈરસને કારણે અવસાન થયું છે. તેથી આજે મંગળવારે એક પોલીસ કર્મીની યાદમાં વલસાડ પોલીસ કર્મીઓએ બે મિનિટનું મૌન પાળી તેમને શ્રદ્ધાંજલિ અર્પી હતી.
કોરોનાને કારણે અવસાન પામેલા પોલીસકર્મી માટે વલસાડ પોલીસે 2 મિનિટનું મૌન રાખ્યું
અમદાવાદમાં કોરોના વાઈરસને કારણે પોલીસ મથકમાં ફરજ બજાવતા હેડ કોન્સ્ટેબલનું અવસાન થતાંં વલસાડ પોલીસ વિભાગ દ્વારા તેમને શ્રદ્ધાંજલિ આપવામાં આવી હતી.
valsad
કોરોનાને લઈ હાલ લોકડાઉનની સ્થિતિ છે. ત્યારે કોરોના વોરિયર્સ સતત જીવના જોખમેં કામ કરી રહ્યા છે. અમદાવાદના કૃષ્ણનગર પોલીસ સ્ટેશન માં હેડ કોન્સ્ટેબલ ભરતજી સોમાજીનું કોરોનાને કારણે અવસાન થયું છે. કોરોના વોરિર્યસને શ્રદ્ધાંજલિ આપવામાં આવી રહી છે.
મંગળવારે વલસાડ પોલીસના કર્મચારીઓએ પણ બે મિનિટનું મૌન પાળી પોલીસ હેડ કોન્સ્ટેબલને શ્રદ્ધાંજલિ આપી હતી. આજે વલસાડ આઝાદ ચોકી મુખ્ય બજારમાં પોલીસ કર્મીઓએ એક સાથે ઉભા રહી મૌન પાળીને કોરોના વોરિયર્સને શ્રદ્ધાંજલિ અર્પણ કરી હતી.