વલસાડ જિલ્લામાં તેમજ ઉપરવાસમાં વહેલી સવારથી ધોધમાર વરસાદને પગલે વલસાડ જિલ્લાની લોક માતાઓ ઔરંગા, પાર, કોલક, દમણગંગા, તાન, માન, નદીઓ હાલ બંને કાંઠે વહી રહી છે. વરસાદી આંકડા ઉપર નજર કરીએ તો સવારે 6 વાગ્યા થી 2 વાગ્યા સુધી કપરાડા- 117 mm,વલસાડ-42 mm, ધરમપુર-60 mm, પારડી-72 mm, વાપી-36mm,ઉમરગામ-03 mm જેટલો વરસાદ પડયો હતો.
તો બીજી તરફ ઉપરવાસમાં પડેલ વરસાદને પગલે મધુબન ડેમની સપાટીમાં સતત વધારો થઈ રહ્યો છે. મધુબન ડેમની સપાટી હાલ 73.30 એ પોહચી છે ત્યારે ડેમ પાણીની આવક 1,21,519 ક્યુસેક પોહચી છે. ડેમ માંથી દમણગંગા નદીમાં 95,578 ક્યુસેક પાણી છોડવામાં આવ્યું છે અને ડેમના 8 દરવાજા 3 મીટરે ખોલવામાં આવ્યા છે.
આ ઉપરાંત વલસાડની ઔરંગા નદીએ પણ તેની ભયજનક સપાટી પાર કરી છે, વલસાડ જિલ્લામાં ઉપરવાસમાં પડેલ વરસાદને પગલે જિલ્લાની ઔરંગા, પાર, કોલક, અને દમણગંગા નદીમાં પાણીનો સતત વધારો થઈ રહ્યો છે જેને પગલે વલસાડ વહીવટી તંત્ર સજ્જ છે અને સંપૂર્ણ પરિસ્થિતિ પર નજર રાખી બેઠું છે. વલસાડ ખાતે NDRFની ટિમ પણ સ્ટેન્ડ બાય રખાઈ છે.જેથી દરેક મુશ્કેલ પરિસ્થિતિને પોહચી વળાય.
