ગરીબ પરીવારની 11 વર્ષીય સગીરા ધોરણ 7માં અભ્યાસ કરે છે. શનિવારે બપોરે સ્કૂલેથી ઘરે પરત ફરી ત્યારે સગીરાની માતા ઘરકામ કરવા ગઈ હતી. અને પિતા મજૂરી કામ કરવા ગયા હતા. સગીરાના ઘર બહાર ફળિયામાં રહેતો હાર્દિક નાયકા સાયકલ લઈને ઘર પાસે આવ્યો હતો અને સગીરાને તેની સાથે આવવા જણાવ્યું હતું અને કહ્યું હતુ કે જો નહીં આવે તો સગીરાને મારી નાખવાની ધમકી આપી હતી. જેથી સગીરા તેની પાછળ ગઈ હતી. ત્યાર બાદ નજીકના વિસ્તારમાં ઘરકામ કરતી માતાએ હાર્દિકને સગીરા સાથે જતા જોયા હતા. સગીરાની માતાને હાર્દિક ઉપર શંકા જતા છોકરીને શોધી રહી હતી. વલસાડના ગ્રીનપાર્ક પાસે આવેલી આરઝૂ બેકરી પાછળ આવેલી વાડીની ઝાડીમાં હાર્દિકે દુષ્કર્મ ગુજાર્યુ હતું.
વલસાડમાં 11 વર્ષીય સગીરા પર પાડોશી યુવકે દુષ્કર્મ ગુજાર્યુ