વલસાડઃ લૉક ડાઉનમાં દરેક ક્ષેત્રે ધંધા રોજગારને સીધી અસર પડી હતી. જોકે લૉકડાઉન 4માં નાના વેપારીઓ માટે સરકાર દ્વારા છૂટ આપવામાં આવી છે. જેને પગલે હાલ તો તેઓને રાહત મળી છે. પણ સરકારs એને માટે નિયમો ઘડ્યાં છે. તેનું પાલન વલસાડમાં દુકાનદાર જ નહીં, હોટલ અને રેસ્ટોરન્ટ મeલિક પણ કરી રહ્યાં છે. જોકે રેસ્ટોરન્ટને હમણાં માત્ર પાર્સલ સેવા શરૂ કરવા માટેની છૂટ આપવામાં આવી છે. છતાં વલસાડના રેસ્ટોરન્ટ માલિકો સ્વંય જ આ બાબતમાં કોઈ પણ કચાસ ચલાવી લેવા માગતાં નથી.
હોટેલ-રેસ્ટોરેન્ટના સંચાલકો ખુદ જ સ્વચ્છતા અને હાઇજિનનું રાખી રહ્યાં છે ધ્યાન વલસાડના તીથલ રોડ ઉપર આવેલ ફૂડ હોલિક નામની રેસ્ટોરન્ટના સંચાલક ભાસીન દેસાઈએ જણાવ્યું કે સરકારના નિયમોનું પાલન ફરજિયાતપણે કરી રહ્યાં છીએ, સાથે હોટલના કિચનમાં સાફસફાઈ, સેનિટાઈઝરનો ઉપયોગ, દરેક કર્મચારીને માસ્ક હેન્ડ ગ્લોઝ એટલું જ નહીં તમામને ડિસ્પોઝેબલ શૂઝ પણ આપવામાં આવ્યાં છે. ગ્રાહકોની સેવામાં આરોગ્યની તકેદારી રાખવી જરૂરી હોઇ રેસ્ટોરન્ટમાં સ્વચ્છતાનું ધ્યાન રખાય છે. એટલું જ નહીં, અહીં જે પણ શાકભાજી ઉપયોગમાં લેવાય છે એને પણ ગરમ પાણી અને સોડા નાખી સાફ કરવામાં આવે છે. જેથી સંક્રમણનો ખતરો ટળી જાય અને આ કાર્ય માત્ર એક દિવસ નહી દરરોજની કામગીરી છે.
હોટેલ-રેસ્ટોરેન્ટના સંચાલકો ખુદ જ સ્વચ્છતા અને હાઇજિનનું રાખી રહ્યાં છે ધ્યાન વલસાડ જિલ્લા ફૂડ અધિકારી સી. બી. પટેલે ટેલિફોનિક વાતચીતમાંં જણાવ્યું કે વલસાડ જિલ્લામાં મોટા ભાગે રેસ્ટોરેન્ટને પાર્સલ સેવા શરૂ કરવા માટે પરવાનગી આપવામાં આવી છે. જેમાં કોરોનાની તકેદારીના ભાગ રૂપે સેનિટાઈઝર, હેન્ડ ગ્લોઝ,માસ્ક તેમ જ હોટલ રેસ્ટોરન્ટમાં સ્વચ્છતા અંગે તકેદારી રાખવા માટે સૂચન કરવામાં આવ્યું છે. જે પૈકી વલસાડમાં અનેક રેસ્ટીરન્ટ છે જે આ તમામ સૂચનોનું પાલન કરી રહી છે.એકતરફ લૉકડાઉન શરૂ થયાં બાદ સ્વાદરસિયાઓ માટે જન્ક ફૂડ મળતું જ બંધ થઈ ગયું હતું એ હવે લૉકડાઉન 0.4માં કેટલીક છૂટછાટને અંતે રેસ્ટોરન્ટ અને હોટલમાંથી પાર્સલ સેવામાં મળી રહ્યું છે. વલસાડના સ્વાદ રસિયાઓનેે હાલ તો રાહત મળી હોવાનું જણાવી રહ્યાં છે.
