વલસાડઃ જિલ્લાના ધરમપુર તાલુકાના સાત વાંકડ, ગુંડિયા, ખપાટિયા અને ચૌરા સહિતના ગામોમાં આજે બુધવારે 70 અનાજની કીટનું વિતરણ કરવામાં આવ્યું હતું. જરૂરિયાત મંદ લોકોને લોકડાઉનના સમયમાં અનાજ આપીને પગભર કરવા માટે મુંબઈના એક મહિલા દ્વારા મદદ આપવામાં આવી છે.
ધરમપુર નજીક ગુજરાતની બોર્ડર પરના 4 ગામોમાં 70 જરૂરિયાતમંદ પરિવારોને અનાજ કીટનું વિતરણ મુંબઇમાં રહેતા બ્રહ્મશત્રિય જ્ઞાતિ ગૌરવ બીજલ બેન જગડ, ઘાટકોપર, વિશાલભાઈ ગડા, રૂપલ કામદાર દ્વારા જરૂરિયાતમંદ પરિવારોને સંયોજક નીલમભાઇ પટેલ ગ્રામશિલ્પીના માધ્યમથી અનાજની કીટનું વિતરણ કરવામાં આવ્યું હતું. જેમાં પરીવાર દીઠ ચાર કિલો ઘઉં, 2 લીટર તેલ, દોઢ કિલો મસૂર દાળ, પાંચ કિલો ચોખા, સાકાર 3 કિલો, ચણાની દાળ 2 કિલો, 3 કિલો મગ, 1 કિલો ડુંગળી, બટેટા એમ અનાજ આપવામાં આવ્યું હતું. અંતરિયાળ ગામોમાં જઈ વિતરણ કરી હતી. જેમાં લોકમંગલ ચેરીટેબલ ટ્રસ્ટના નીલમ પટેલે કીટ અંતરિયાળ ગામોમાં જઈ વિતરણ કરી હતી મહત્વનું છે કે, લોકડાઉનના સમયમાં જ્યાં લોકો બેરોજગાર બન્યા છે. શહેરોમાં આવી શકતા નથી, બેન્કમાંથી પૈસા ઉપાડી શકતા નથી એવા સમયમાં ઘરમાં તેલ મસાલા ખૂટી પડતા છેવડાના ગામોની સ્થિતિ ખૂબ જ દયનિય બની હતી. તેઓને માટે વિતરણ કરવામાં આવેલી કીટએ ખૂબ જ ઉપયોગી સાબિત થઈ છે.
