પાણીના પ્રશ્નને લઈ મહિલાઓનો હોબાળો, માટલા ફોડી કર્યો વિરોધ

વડોદરાઃ શહેરમાં છેલ્લા ઘણા સમયથી પીવાના પાણી અને પાણી ઓછું મળતું હોવાની શહેરના અનેક વિસ્તરોમાં સમસ્યા સર્જાઇ છે. જો કે આ પાણીની સમસ્યા વચ્ચે મંગળવારના રોજ વડોદરા શહેરના લક્ષ્મીનગરમાં એક મહિનાથી પાણી ન આવતા રણચંડી બનેલી મહિલાઓએ માટલા ફોડી વિરોધ કર્યો હતો.

છેલ્લા એક મહિનાથી શહેરના દક્ષિણ અને પૂર્વ વિસ્તારમાં પાણીની સમસ્યાને પગલે સ્થાનિકો મુશ્કેલીમાં મુકાયા હતા. શહેરની લક્ષ્મીનગર સોસાયટીના રહીશોએ માટલા ફોડી વિરોધ કર્યો હતો અને વહેલી તકે પાણીની સમસ્યાનું નિરાકરણ આવે તેવી માગ કરી હતી.