વડોદરાઃ નેશનલ હાઇવે નંબર-48 ઉપર તરસાલી બાયપાસ પાસે ક્રેન વડે વાહન હટાવવાની કામગીરી ચાલી રહી હતી. તે દરમિયાન પુરપાટ જઇ રહેલા ટ્રક ચાલકે આગળની સર્જાયેલી અકસ્માતની ઘટના જોઇને અચાનક બ્રેક મારતાં પાછળથી આવી પહેલા અન્ય વાહનો એક પછી એક 7થી 8 જેટલા વાહનો સાથે અથડાયા હતા.
વડોદરા નેશનલ હાઇવે પર 8 વાહનો વચ્ચે વિચિત્ર અકસ્માત જેમાં એક નવ દંપતીની શણગાર કરેલી કારનો પણ હતી. સદનસીબે નવ દંપતી સહિત અન્ય વાહનચાલકોને સાધારણ ઇજાઓ થઈ હતી. એક પછી એક 7થી 8 વાહનો વચ્ચે થયેલા આ વિચિત્ર અકસ્માતને પગલે હાઈવે પર ટ્રાફિક જામના દ્રશ્યો સર્જાયા હતા.
જોકે એક તબક્કે ટ્રક ચાલકે જોરદાર બ્રેક મારતાં અન્ય વાહન ચાલકોના જીવ પડીકે બંધાયા હતા. સદનસીબે જાનહાની ટળી હતી અને કલાકો બાદ વાહન વ્યવહાર પુનઃ કાર્યરત થયો હતો.
