Vadodara news: ધારાસભ્ય કેતન ઈનામદારે એક જ માંડવે 751 દીકરીઓના કરાવ્યા સમૂહ લગ્ન

વડોદરા જિલ્લાના સાવલીના ધારાસભ્ય અને મધ્ય ગુજરાતના આગેવાન કેતન ઈનામદાર દ્વારા તેમનાં સ્વર્ગસ્થ પિતા મહેન્દ્રભાઈ ઇનામદારના જન્મદિન નિમિત્તે સતત આઠમાં સમૂહ લગ્નનું આયોજન કરાયું હતું. આ કાર્યક્રમમાં ગુજરાતના મુખ્યપ્રધાન ભુપેન્દ્રભાઈ પટેલ, ગૃહ પ્રધાન અને ભાજપના પ્રદવશ અધ્યક્ષ સીઆર પાટીલ સહીત અનેક મહાનુભાવો હાજર રહ્યા હતા. સમૂહ લગ્નમાં 751 દંપતિઓએ ગૃહસ્થ જીવનમાં પ્રભુતામાં પગલાં પાડ્યા હતા.

વડોદરા:વડોદરા જિલ્લાના સાવલીના ધારાસભ્ય કેતન ઈનામદારના સ્વર્ગસ્થ પિતા મહેન્દ્રભાઈ ઇનામદારની ચોથી એપ્રિલના રોજ જન્મ તિથિ હોય છે. જેના કારણે ધારાસભ્ય છેલ્લા આઠ વર્ષથી સમુહ લગ્નનું આયોજન કરતા આવ્યા છે. આ સમૂહ લગ્નમાં માત્ર એક રૂપિયો ટોકન લઈને દીકરીઓના સમૂહ લગ્ન કરાવવામાં આવે છે. જેમાં કન્યાદાનમાં ઘરનાં રાચ રચીલા સહિતની વસ્તુઓનું કન્યાદાન કરિયાવરમાં આપવામાં આવે છે. આ સમગ્ર કાર્યક્રમનું આયોજન મહેન્દ્રભાઈ ઇનામદાર ચેરિટી ટ્રસ્ટ દ્વારા કરવામાં આવે છે. આમ છેલ્લા આઠ વર્ષથી ચોથી એપ્રિલના રોજ સાવલી ખાતે કોઈપણ નાતજાતના ભેદભાવ વગર આ કાર્યક્રમ યોજાય છે અને મોટી સંખ્યામાં દંપતિઓ તેમાં ભાગ લેતા હોય છે.

સમૂહ લગ્નમાં અનેક મહાનુભાવો હાજર

751 નવયુગલો જીવન સંસાર શરૂ: સાવલી ખાતે આવેલ કેતન ફાર્મ હાઉસ ખાતે આ સમૂહ લગ્ન યોજાયો હતો જેમાં 751 જેટલા નવયુગલો પોતાનો જીવન સંસાર શરૂ કરવા માટે આ સમૂહ લગ્નમાં જોડાઈ પ્રભુતામાં પગલા પાડ્યા હતા. આ સમૂહ લગ્નમાં જોડાયેલ દંપત્તિઓને કન્યાદાનમાં ઘણી બધી વસ્તુઓ ભેટમાં આપવામાં આવી હતી. ઉપસ્થિત સૌ મહાનુભવોએ આ નવયુગલોને હૃદયપૂર્વક આશીર્વાદ અને અભિનંદન પાઠવ્યા હતા. આમ સાવલીના ધારાસભ્યની આ સમાજ સેવાને ઉપસ્થિત સૌએ બિરદાવી હતી. આ સમૂહ લગ્નમાં સમગ્ર પંથકના નાગરિકો મોટી સંખ્યામાં ઉમટી પડ્યા હતા અને આ સમૂહ લગ્ન કાર્યક્રમ રંગે ચંગે સંપન્ન થયો હતો.

આ પણ વાંચોSwayam Ki Avaaz: પ્રેમ રાવતના પુસ્તક 'સ્વયં કી આવાઝ'ના વિમોચનમાં સર્જાયો ગિનિસ વર્લ્ડ રેકોર્ડ

મુખ્યપ્રધાનના હસ્તે કન્યાદાન:યોજાયેલ આ સમૂહ લગ્નમાં ગુજરાત રાજ્યના લોકલાડીલા મુખ્યપ્રધાન ભુપેન્દ્રભાઈ પટેલ ઉપસ્થિત રહ્યા હતા અને તેમણે પોતાના સ્વહસ્તે આ દીકરીઓને કન્યાદાન કર્યું હતું. તેમજ તમામ નવદંપત્તિને મુખ્યપ્રધાને આશીર્વાદ આપી તેઓનું લગ્ન જીવન ખૂબ જ સફળ રહે અને જીવનમાં તેઓ સુખેથી રહે અને ખૂબ પ્રગતિ કરે એવા આશીર્વાદ આપ્યા હતા.

આ પણ વાંચોVadodara News : ગંભીર બેદરકારી, મહત્ત્વની ગાડીને પડતી મૂકી સીએમ ભૂપેન્દ્ર પટેલનો કોન્વોય રવાના

સમાજ સેવાને બીરદાવી:મુખ્યપ્રધાને સાવલીના ધારાસભ્ય કેતનભાઇ ઇનામદારની આ સમાજ સેવાને બીરદાવી હતી અને તેઓ આજ રીતે સમાજસેવાના અને લોક કલ્યાણના કાર્યો કરતા રહે એવી શુભેચ્છાઓ પણ પાઠવી હતી. આ પ્રસંગે રાજયનાં પ્રધાન મંડળના અન્ય પ્રધાનો અને પ્રદેશ ભાજપના આગેવાનો ઉપસ્થિત રહ્યા હતા અને સૌએ કેતનભાઇની સમાજ સેવાની ભાવનાને બિરદાવી હતી. આમ સાવલી ખાતે યોજાયેલ આઠમો સમૂહ લગ્ન સમારંભ ખૂબ જ ઉત્સાહ અને આનંદપૂર્વક સંપન્ન થયો હતો.