ઢોલીવુડની બિગ બજેટ ફિલ્મ "સાહિલ" લઈને આવી રહી છે પત્રકારના સંઘર્ષની વાત

વડોદરા: છેલ્લા કેટલાક સમયથી ગુજરાતી ફિલ્મ ઈન્ડસ્ટ્રીઝના સુવર્ણ યુગની શરૂઆત થઈ રહી છે. કારણ કે હવે ગુજરાતી ફિલ્મો ગુજરાતી લોકો માટે આકર્ષણનું કેન્દ્ર બની રહી છે. સાથે જ લોકોને સિનેમા ઘરોમાં ગુજરાતી ફિલ્મ જોવા માટે ખેંચી રહી છે. છેલ્લા કેટલાક સમયથી ગુજરાતી ફિલ્મો લોકોના દિલ જીતી રહી છે.

આ જ પ્રકારે વધુ એક ઢોલીવુડ તેમજ બિગ બજેટ ફિલ્મ અષાઢી બીજના 4 જુલાઈના દિવસે રૂપેરી પડદે રિલીઝ થવા જઈ રહી છે. આ બિગ બજેટ ફિલ્મનું નામ છે "સાહિલ" જિંદગીની શોધ. આ ફિલ્મમાં બોલિવુડના પીઢ અને વીતેલા જમાનાના મશહૂર વિલન એવા પ્રેમ ચોપરા આ ગુજરાતી ફિલ્મ દ્વારા રૂપેરી પડદા પર આવી રહ્યાં છે.

અભિનેત્રી વિવેકા પટેલે ETV BHARAT સાથે ખાસ વાત કરી

ઢોલીવુડ ફિલ્મ "સાહિલ" જિંદગીની શોધ એ એક પત્રકારની તેમજ તેના સંઘર્ષની વાર્તા છે. આ ફિલ્મને લઈને કલાનગરી એવા ભાવનગરના પ્રતિષ્ઠિત લીલા ગ્રુપના કોમલકાંત શર્મા LFC ફિલ્મના બેનર હેઠળ બનાવવામાં આવી છે.

ફિલ્મ રથયાત્રાના પવિત્ર તહેવાર નિમિત્તે સિનેમાઘરમાં જોવા મળશે

આ ફિલ્મમાં પ્રેમ ચોપરા સાથે ગુજરાતના નામાંકિત કલાકારો જેવા કે ચેતન દયા, જીગ્નેશ મોદી, મનિષા ત્રિવેદી અને ભૂમિકા પટેલ અભિનય કરતા જોવા મળશે. સાથે જ મુખ્ય ભૂમિકામાં કલાકાર રાજન રાઠોડ, વિવેકા પટેલ અને અનુરેખા ભગત જોવા મળશે.

વડોદરા ખાતે ફિલ્મની કાસ્ટ રાજન રાઠોડ અને વિવેકા પટેલ ઉપસ્થિત રહ્યાં હતા

"સાહિલ" ફિલ્મનું દિગ્દર્શન સૌરભ ભટ્ટ દ્વારા કરવામાં આવી રહ્યું છે. આ ફિલ્મ 4 જુલાઈ રથયાત્રાના પવિત્ર તહેવાર નિમિત્તે સિનેમાઘરમાં જોવા મળશે. રવિવારે વડોદરા ખાતે ફિલ્મની કાસ્ટ રાજન રાઠોડ અને વિવેકા પટેલ ઉપસ્થિત રહ્યાં હતા. જો કે, આ ફિલ્મ અંગે ફિલ્મની અભિનેત્રી વિવેકા પટેલે ETV BHARAT સાથે ખાસ વાત કરીને ફિલ્મ વિશે માહિતી આપી હતી.