વડોદરા દુષ્કર્મ કેસ: આરોપીઓને અમદાવાદ ક્રાઇમ બ્રાન્ચ વડોદરા લાવી

વડોદરા: શહેરમાં 28 નવેમ્બરના રોજ નવલખી મેદાનમાં બનેલા સામૂહિક દુષ્કર્મ કેસના 2 આરોપીઓને 10 દિવસ બાદ અમદાવાદ ક્રાઇમ બ્રાન્ચે વડોદરામાંથી ઝડપી પાડ્યા હતા. બંને આરોપીઓને વડોદરા શહેરના હરણી પોલીસ મથકે લઈ આવવામાં આવ્યા હતા.

ઉલ્લેખનિય છે કે, બંને આરોપીઓને કડક અને સમાજમાં ઉદાહરણ રૂપ સજા થાય તે દિશામાં પોલીસે કાર્યવાહી હાથ ધરી છે.

દુષ્કર્મ કેસના આરોપીઓની સુરક્ષા તેમજ શહેરની શાંતિને ધ્યાનમાં રાખીને પોલીસ વિભાગે હરણી પોલીસ સ્ટેશન ખાતે આરોપીઓને લાવવામાં આવ્યા હતા. જો કે, મળતી માહિતી મુજબ દુષ્કર્મના આરોપીઓને કડક સજા થાય તે રીતે ઓળખ પરેડ, વિવિધ નમૂના લેવા સહિતની સાઈન્ટિફિક કામગીરી પોલીસ દ્વારા કરવામાં આવાશે તેવું જાણવામાં મળી રહ્યું છે.