મેરે ઘર આઈ એક નન્હી પરી ! મુંબઈના દંપતિએ બાળકી એડોપ્ટ કરી

વડોદરા: એક તરફ ગુજરાત માટે ચિંતાજનક રિપોર્ટ સામે આવ્યા છે. જે રીર્પોટમાં છોકરાઓ સામે છોકરીઓની સંખ્યા ઘટી રહી છે. દિકરીઓને બચાવવા માટે અને દિકરીઓની સંખ્યામાં વધારો થાય તે માટે બેટી બચાઓ બેટી પઢાઓ જેવી અનેક જાહેરાતો ચલાવવામાં આવે છે અને લોકોને માહિતગાર કરવામાં આવે છે. તેમ છતાં ગુજરાતમાં છોકરીઓની સંખ્યામાં સતત ઘટાડો થતો જઈ રહ્યો છે. એક તરફ સમાજ દિકરી જન્મ તરછોડી રહ્યું છે. ત્યારે સમાજમાં એવા પણ લોકો છે જે દિકરીને અપનાવી રહ્યા છે. એવો જ એક કિસ્સો વડોદરા શહેરમાં સામે આવ્યો છે.

સમાજ સુરક્ષા વિભાગ સંચાલિત વડોદરાના શિશુગૃહની આશ્રિત સાત મહિનાની મિશ્રી માટે સાચી પડી છે. જન્મદાતાએ અંગત કારણોસર આજથી સાતેક મહિના અગાઉ મિશ્રીને શિશુગૃહના પારણામાં ચૂપચાપ તર છોડી દિધી હતી. શિશુગૃહના સત્તાધિકારીઓએ આ બાળકીના જૈવિક માતાપિતાની ઘણી શોધખોળ કરી પરંતુ નિષ્ફળતા હાથ લાગી હતી. નિરાધાર બાળકીનો મુંબઇના દેબાશિષ રોય શર્મા અને વનશ્રી રોય શર્માએ મિશ્રીને અપનાવી હતી.

મુંબઇના દંપતિએ શિશુગૃહમાંથી બાળકી એડોપ્ટ કરી ઘરમાં ગૃહ પ્રવેશ કરાવ્યો

જિલ્લા બાળ સુરક્ષા એકમના અધ્યક્ષ અને જિલ્લા કલેકટર, સ્વયં માતૃ સ્વરૂપા શાલિની અગ્રવાલે શર્માના દંપતિના સ્નેહથી દત્તક સંતાન તરીકે માત્ર દિકરીને જ સ્વીકારવાના રોય શર્મા દંપતિના સંકલ્પને જિલ્લા કલેકટરે વધાવ્યો અને પ્રેરક ગણાવ્યો હતો.જિલ્લા સમાજ સુરક્ષા અધિકારી હેતલ પરમારે જણાવ્યું કે, ભારત સરકારના મહિલા અને બાળ કલ્યાણ વિભાગનું એક CARA નામક ઓનલાઇન પોર્ટલ છે. જે દત્તક માટે ઉપલબ્ધ બાળકો અને દત્તક સંતાન ઝંખતા દંપતિઓ, પરિવારોના મિલાપનું કામ કરે છે. આ પોર્ટલની મદદથી વડોદરાની સ્પેશ્યલાઇઝડ એડોપ્શન એજન્સીએ માત્ર શિશુ વયની બાળકીને દત્તક લેવા ઇચ્છતા રોય શર્મા દંપતિને શોધી કાઢ્યા હતા અને તેમનો સંપર્ક કરવામાં આવ્યો હતો, સંબંધિત પરિવારની ઘર તપાસ સહિત તમામ કાયદાકીય પ્રક્રિયાઓ તબક્કાવાર પૂર્ણ કરવામાં આવી અને આજે મિશ્રી રોય શર્મા પરિવારની લાડકી દિકરી તરીકે સ્વીકૃત થઇ હતી. રોય શર્મા પરિવારે બેટી બચાવો, બેટી પઢાવોના ઉત્તમ અને પ્રેરક અને દાખલા રૂપ બની ખરેખર સમાજને એક નવી રાહ ચીંધી છે.