બિન સચિવાલય પરીક્ષા પેપર લીક કૌભાંડમાં કોંગ્રેસ અગ્રણીનું નામ આવતા ABVP દ્વારા વિરોધ

વડોદરા: રાજ્યમાં બિન સચિવાલય પરીક્ષા પેપર લીક કૌભાંડમાં કોંગ્રેસ અગ્રણીનું નામ સામે આવતા વડોદરા ABVP દ્વારા વિરોધ કરવામાં આવ્યો હતો.

પ્રાપ્ત વિગતો મુજબ, શહેરના ફતેહગંજ વિસ્તારમાં ABVP દ્વારા કોંગ્રેસ નેતા પરેશ ધાનાણી અને અમિત ચાવડાના ફોટાને બૂટ ચંપલનો હાર પહેરાવી તેમજ બંનેના ફોટો પર બૂટ-ચંપલથી માર મારી વિરોધ કરવામાં આવ્યો હતો.

આ સાથે સાથે ABVP દ્વારા કોંગ્રેસ વિરુદ્ધ સુત્રોચાર કરી વિરોધ દર્શાવવામાં આવ્યો હતો. જોકે રાજ્યમાં 10 પરીક્ષાર્થીઓએ પરીક્ષા આપી હતી અને ત્રણ વખત બિન સચિવાલયની પરીક્ષા થઈ રદ્દ થતાં ABVP દ્વારા વિરોધ કરી પોતાનો આક્રોશ વ્યક્ત કર્યો હતો.