સુરેન્દ્રનગરના સિનિયર સિટીઝનોએ તળાવ કુવાઓની સફાઇ માટે કલેક્ટરને પાઠવ્યું આવેદનપત્ર

સુરેન્દ્રનગર: શહેરના સિનિયર સિટીઝનના એક ગૃુપ દ્વારા શહેરના તળાવ, કૂવા અને ભોગાવો નદીની સફાઈ હાથ ધરવા અંગે જિલ્લા કલેકટરને આવેદનપત્ર પાઠવ્યું હતું.

સુરેન્દ્રનગર જિલ્લામાં આવેલા વઢવાણ સહિતના જોડીયા શહેરમાં આવેલ તળાવ, કુવા, અને ભોગાવો નદીમાં બાવળોના ઝૂંડ સાથે ગંદકીનું પ્રમાણ વધતા સુરેન્દ્રનગરના સિનિયર સિટીઝનોએ જિલ્લા કલેકટરને આવેદનપત્ર પાઠવ્યું હતું.

તો આ સિનિયર સિટીઝનઓએ આ બાબતે અવાર નવાર તંત્ર તેમજ પ્રદૂષણ નિયંત્રણ બોર્ડ અને લેખિત જાણ કરવા છતાં, તંત્રની આ બાબતે નિષ્ક્રિયતા સામે આવી હતી. વડાપ્રધાનના સ્વચ્છ ગુજરાતના સ્વપ્નને સાચા અર્થમાં સાર્થક કરવાની માંગ સાથે સુરેન્દ્રનગરના સિટીઝનોએ માંગણી ઉઠાવી હતી.