વઢવાણમાં વિરાટ સમસ્ત બ્રાહ્મણ સંમેલન,BJP ના આગેવાનો પણ રહ્યા હાજર

સુરેન્દ્રનગર: જિલ્લામાં આવેલા વઢવાણના આનંદભુવન ખાતે વિરાટ સમસ્ત બ્રાહ્મણ સંમેલનનું આયોજન કરવામાં આવ્યું હતું. આ સંમેલનમાં ભાજપના ઉમેદવાર, પ્રદેશના આગેવાનો, ધારાસભ્યો તેમજ વિવધ બ્રાહ્મણ સમાજના હોદ્દેદારો તેમજ મોટી સંખ્યામાં બ્રહ્મ સમાજના લોકો ઉપસ્થિત રહ્યાં હતા.

સાથે જ ઉપસ્થિત આગેવાનોનું તેમજ હોદ્દેદારોનું પાઘડી પહેરાવીને તેમજ ફરશી આપીને સ્વાગર કરવામાં આવ્યું હતું. આ સંમેલનની શરૂઆત બ્રહ્મનારી શક્તિ દ્વારા દિપ પ્રાગટ્ય કરીને પ્રારંભ કરવામાં આવ્યો હતો. જ્યારે આ સંમેલનમાં અગમ્ય કારણોસર હાસ્ય સમ્રાટ પરેશ રાવલ ઉપસ્થિત રહી શક્યા ન હતા.

આ કાર્યક્રમમાં ભરત પંડ્યા, મનોજ જોષી, વિરેન્દ્ર આચાર્ય સહિતના અગ્રણીઓ ઉપસ્થિત રહ્યાં હતા. આ સંમેલનના માધ્યમથી ભાજપના ઉમેદવાર ડૉ.મહેન્દ્ર મુંજપરાને જંગી બહુમતીથી વિજય બનાવવા ટકોર કરવામાં આવી હતી.