લીંબડીના કિરીટસિંહ રાણા ભૂપેન્દ્ર પટેલના પ્રધાનમંડળમાં નિભાવશે મોટી જવાબદારી, ધીરજનું ફળ મળ્યું

કિરીટસિંહ રાણાને ભૂપેન્દ્ર પટેલની સરકારમાં પ્રધાનપદની જવાબદારી આપવામાં આવી છે. એકસમયે રુપાણીના નેતૃત્વ હેઠળના પ્રધાનમંડળમાં જગ્યા લેશે કે નહીં તેવું પૂછાતા કિરીટસિંહ રાણાએ જવાબ આપ્યો હતો કે 'જો સરકાર અને સંગઠન કહેશે તે તમામ જવાબદારી હું નિભાવીશ, પરંતુ પ્રધાન બનવાની કોઈ અપેક્ષા નથી."

• કિરીટસિંહ રાણાને CM ભૂપેન્દ્ર પટેલની કેબિનેટમાં સ્થાન
• શપથગ્રહણ સમારોહમાં પદ અને ગોપનીયતાના શપથ લીધા
• 8 વખત ચૂંટણી લડ્યા, 5માં જીત
• રાણા આ પહેલા પણ પ્રધાનપદની જવાબદારી નિભાવી ચૂક્યા છે

ન્યુઝ ડેસ્ક: એકસમયે રુપાણીના નેતૃત્વ હેઠળના પ્રધાનમંડળમાં જગ્યા લેશે કે નહીં તેવું પૂછાતા કિરીટસિંહ રાણાએ જવાબ આપ્યો હતો કે 'જો સરકાર અને સંગઠન કહેશે તે તમામ જવાબદારી હું નિભાવીશ, પરંતુ પ્રધાન બનવાની કોઈ અપેક્ષા નથી." તો ત્યારે રાજી રહેલાં રાણાને ભૂપેન્દ્ર પટેલની સરકારમાં પ્રધાનપદની જવાબદારી આપવામાં આવી છે. 16 સપ્ટેમ્બરે યોજાયેલા શપથગ્રહણ સમારોહમાં કિરીટસિંહ રાણાએ પણ પદ અને ગોપનીયતાના શપથ લીધા છે.

8 વખત વિધાનસભાની ચૂંટણી લડી

લીંબડી વિધાનસભા પેટાચૂંટણીમાં ટિકિટ અપાઈ ત્યારે રાણાએ કહ્યું હતું કે, મેં મારા કાર્યકાળ દરમિયાન આઠમી વખત વિધાનસભાની ચૂંટણી લડી છે. જેમાં 5 વખત વિજય અને 3 વખત હારનો સામનો કર્યો હતો. પોતાની જીત વખતે તેઓએ જણાવ્યું હતું કે, હવે મારા જે અધૂરા કામો - વિકાસકાર્યો બાકી છે તે પૂર્ણ કરીશ. હવે પ્રધાનપદ પામતા રાણાના કામો વેગ પકડશે તેવી તેમના મતદારોની આશા રહેશે.

કિરીટસિંહ રાણાની વધુ કેટલીક માહિતી જોઇએ તો

નામઃ કિરીટસિંહ જીતુભા રાણા

જન્મ તારીખ: 07 જૂલાઈ 1964

વૈવાહિક સ્થિતિ: પરિણીત

ધર્મપત્નીનું નામ: શ્રીમતી વર્ષાબા રાણા

સર્વોચ્ચ લાયકાત: Matric

કાયમી સરનામું: મુ. ભલગામડા, તા. લીંબડી, જિ. સુરેન્દ્રનગર, પિન- 363421

મત વિસ્તારનું નામ: લીંબડી

આ પહેલા પણ ભાજપ સરકારમાં પ્રધાન રહી ચૂક્યા છે

કિરીટસિંહ રાણા સુરેન્દ્રનગર ભાજપ માટે વજનદાર વ્યક્તિત્વ છે, ત્યારે પ્રધાનમંડળમાં સમાવેશ થતા તેમના વિશાળ સમર્થકવર્ગમાં આનંદની લાગણી છે. જો કે રાણા આ પહેલા પણ પ્રધાનપદ શોભાવી ચૂક્યા છે. 1998-2002માં તેઓ ભાજપ સરકારમાં જ એનિમલ હસબન્ડરી વિભાગના પ્રધાન અને 2007-12ની ટર્મમાં ફોરેસ્ટ એન્ડ એન્વાર્યન્મેન્ટ પ્રધાન રહી ચૂક્યા છે. રાણાએ 2003થી 2006 દરમિયાન ભાજપના પ્રદેશ સેક્રેટરી તરીકે પણ કામ કર્યું હતું. તેમના પિતા જીતુભા રાણા ભાજપના કાર્યકર્તા હતા અને 1990ની ચૂંટણીઓમાં લીંબડી વિધાનસભા બેઠકથી જ એમએલએ બન્યા હતા.

વધુ વાંચો: કુંવરજી બાવળિયાએ આપ્યુ નો રિપિટ થિયરીને સમર્થન

વધુ વાંચો: રૂપાણી અને ભૂપેન્દ્ર પટેલની સરકારમાં કોંગ્રેસમાંથી આવેલા ધારાસભ્યોની બોલબાલા