સુરેન્દ્રનગરમાં ઝડપાયો મુન્નાભાઈ MBBS, ગેરકાદેસર રીતે પ્રેક્ટીસ કરતો ડૉક્ટર ઝડપાયો

સુરેન્દ્રનગર: જિલ્લામાં આવેલા વઢવાણ તાલુકાના નગરા ગામે એક મુન્નાભાઇ MBBSની જિલ્લા પોલીસ વિભાગ દ્વારા બાતમીના આધારે ધરપકડ કરવામાં આવી છે. આ તબીબ ગેરકાદેસર રીતે તબીબની પ્રેક્ટીસ કરતો હતો. ગામમાં પોતે ડૉક્ટર તરીકે પ્રખ્યાત હતો. જે કોઇપણ પ્રકારના ડૉક્ટરના સર્ટીફિકેટ વિના જ લોકોને સારવાર કરતો હતો. જેની જિલ્લા પોલીસ દ્વારા ધરપકડ કરવામાં આવી છે.

સુરેન્દ્રનગર જિલ્લાના વઢવાણ તાલુકામાં આવેલા નગરા ગામે મુળ હુસૈનપુર ઉત્તરપ્રદેશનો 22 વર્ષિય અનુજ ખુદીરામ ધરામી પોતે ડૉક્ટર ન હોવા છતા નગરામાં તબીબની ગેરકાદેસર રીતે પ્રેક્ટીસ કરતો હતો. તો આ અંગેની ચોક્કસ બાતમીના આધારે પોલીસ વિભાગ દ્વારા આ મુન્નાભાઇ MBBSની ધરપકડ કરવામાં આવી છે. ત્યારે આરોપી અનુજની જોરાવરનગર પોલીસ વિભાગ દ્વારા દવાઓ અને અન્ય સામગ્રી મળીને કુલ 33,514ની કિંમતના મુદ્દામાલ સાથે ધરપકડ કરવામાં આવી છે.