લીંબડી હાઈવે પર ગમ્ખવાર અકસ્માત, એક જ પરિવારના 5 સભ્યોના મોત

સુરેન્દ્રરનગરઃ લીંબડી હાઇવે પર યુટીલિટી અને ટ્રક વચ્ચે અકસ્માત સર્જાયો હતો. આ અકસ્માતમાં એક જ પરિવારનાં 5 લોકોના મોત નિપજ્યા છે. અકસ્માતમાં ઘાયલ થયેલા લોકોને સારવાર અર્થે હોસ્પિટલ ખસેડવામાં આવ્યા છે.

લીંબડી હાઇવે પર યુટીલિટી અને ટ્રક વચ્ચે સર્જાયેલા અકસ્માતમાં એક જ પરિવારના પાંચ સભ્યોના મોત નિપજ્યાં છે. યુટીલિટી અને ટ્રક વચ્ચે આ અકસ્માત સર્જાયો હતો. આ પરિવાર સોમનાથ મહાદેવના દર્શન કરી પરત ફરી રહ્યો હતો, ત્યારે દેવપરા ગામ નજીક અકસ્માત નડ્યો હતો. આ અકસ્માતમાં 2 મહિલા તેમજ 3 પુરૂ0ષોના મોત નિપજ્યા છે, જ્યારે 2 બાળક સહિત 5 લોકો ઇજાગ્રસ્ત થયા હતા.

ઈજાગ્રસ્ત લોકોને સારવાર માટે 108માં લીંબડીની હોસ્પિટલમાં સારવાર અર્થે ખસેડાયા હતા. આ અકસ્માત પગલે પોલીસ પણ ઘટના સ્થળે પહોંચી હતી. ગંભીર રીતે ઇજાગ્રસ્ત લોકોને વધુ સારવાર માટે અમદાવાદ ખસેડાયા હતા.