Surat News : સુરતમાં શ્વાને બચકા ભર્યા બાદ સારવાર લઇ રહેલા યુવકનું થયું મોત

રાજ્યમાં રખડતા ઢોરના ત્રાસથી પ્રજા પરેશાન છે. ક્યારેક રસ્તામાં એના કારણે ટ્રાફિકજામ થાય છે તો ક્યારેક શેરીમાં રખડતાં શ્વાનથી કર્ફ્યુ ન હોવા છતાં એરિયામાંથી પસાર થવું નીકળવું મુશ્કેલ બની જાય છે. સુરતમાં સતત શ્વાનત્રાસ વધી રહ્યો છે. ક્યારેક નાના બાળકો ઉપર હુમલો કરીને બચકા ભર્યાના કેસ સામે આવે છે તો બીજી તરફ તંત્ર કાગળ પરની કામગીરી ઉપર દવા કરે છે. શ્વાનના બચકા બાદ સુરતમાં એક વ્યક્તિનું સારવાર દરમિયાન મોત નીપજ્યું છે.

સુરત:સુરત શહેરના કતારગામ એરિયામાં વેડરોડ પર લક્ષ્મીનગરમાં રહેતા યુવકને શ્વાને બચકા ભર્યા હતા. સારવાર હેતુ તેને હોસ્પિટલમાં ખસેડવામાં આવ્યો હતો. જે દરમિયાન તે સતત બીમાર રહેતો હતો. રાજન નામના આ દર્દીનું સારવાર દરમિયાન મૃત્યુ થયું છે. આ મૃત્યુ પાછળનું કારણ પોસ્ટમોર્ટમ રિપોર્ટ બાદ સ્પષ્ટ થશે. સરકારી હોસ્પિટલના અહેવાલ અનુસાર સુરતમાંથી દરરોજ અલગ અલગ એરિયાના શ્વાને બચકા ભર્યાના 10 થી 12 કેસ નોંધાઈ રહ્યા છે. એક મહિના પહેલા યુવક સાથે શ્વાને બચકા ભર્યાની ઘટના બાદ તે સતત બીમાર રહેતો હતો. ખજોદ વિસ્તારમાં બે વર્ષની બાળકી ને ત્રણ થી ચાર શ્વાને 40 જેટલાં બચકા ભર્યા બાદ બાળકી અવસાન પામી હતી.

શ્વાનના ત્રાસ: સુરત શહેરમાં છેલ્લા ઘણા સમયથી શ્વાનનો ત્રાસ વધી રહ્યો છે. જોકે શહેરની સરકારી હોસ્પિટલોમાં રોજના ડોગ બાઈટમાં 10 થી 12 કેસો આવી રહ્યા છે. જેમાં આજ દિન સુધી બે કેસ એવા છે કે, બે બાળકોના ડોગ બાઈટના કારણે મોત થયું છે. ફરી એક વખત 28 વર્ષીય યુવકને બે વખતે શ્વાને બચકા ભર્યા છે. શહેરના કતારગામ વિસ્તારમાં આવેલ વેડરોડના લક્ષ્મી નગરમાં રહેતા 28 વર્ષીય રાજન જેઓ કલર કરવાનું કામ કરે છે. જેઓ મૂળ ઉત્તર પ્રદેશના વતની છે. તેમને ગત ફેબ્રુઆરી મહિનામાં શ્વાને બચકા ભર્યા હતા. ત્યારબાદથી તેઓ સતત બીમાર પણ રહેતા હતા.

સાચું કારણ બહાર:ત્યારબાદ તેમણે સીમેર હોસ્પિટલમાં સારવાર કરાવી હતી. ત્યારબાદ પણ સતત બીમાર રહેતા હતા. ગઈકાલે ફરીથી તેમને શ્વાને બચકા ભર્યા હતા. જેથી તેમને તાત્કાલિક સારવાર માટે સ્મીમેર હોસ્પિટલ લઇ આવામાં આવ્યો હતો. જ્યાં તેમનું ટૂંકી સારવાર બાદ મોત નીપજ્યું હતું. પરંતુ યુવકના મોતનું સાચું કારણ જાણવા માટે યુવકના મૃતદેહને પોસમોટમ રૂમમાં મોકલી આપ્યો છે. હવે પોસમોટમ રિપોર્ટ આવ્યા બાદ જ યુવકના મોતનું સાચું કારણ બહાર આવી શકશે.

મહાનગરપાલિકાની ટીમ: ઘટના સામે આવતા જ સુરત મહાનગરપાલિકાની ટીમ ઘટના સ્થળે પહોંચી તપાસ શરૂ કરી હતી. આ ઘટના સામે આવતા જ સુરત મહાનગરપાલિકાની ટીમ ઘટના સ્થળે પહોંચી તપાસ શરૂ કરી હતી. જોકે આ પેહલા પણ ખજોદ વિસ્તારમાં બે વર્ષની બાળકીને ત્રણ થી ચાર શ્વાને 40 જેટલાં બચકા ભર્યા હતા. બાળકીનું બે દિવસ સુધી સારવાર ચાલીયા બાદ તેનું મોત નિપજ્યું હતું. તે ઉપરાંત 7 દિવસ પેહલા જ વિસ્તારમાં પાંચ વર્ષના બાળક ઉપર શ્વાનો દ્વારા હુમલો કરી લોહીલુહાણ કરી દીધું હતું. તે બાળકનું પણ ટૂંકી સારવાર બાદ મોત નીપજ્યું હતું.