સ્પાઇસ જેટની ભોપાલ સુરત ફ્લાઇટ રનવે પર સ્લિપ, તમામ યાત્રીઓ સુરક્ષિત

સુરત: વરસાદને કારણે સ્પાઇસ જેટની SG 3722 ફ્લાઇટ ભોપાલ થી સુરત આવી રહી હતી. જે સુરત એરપોર્ટના રનવે પરથી સ્લીપ (ઓવર સૂટ) થઈને સીધી જ રનવે એન્ડ સેફ્ટી એરિયામાં જ ઊતરી ગઈ હતી. જેને કારણે ફ્લાઇટમાં સવાર 47 મુસાફરો, 2 પાયલોટ અને 4 ક્રૂ મેમ્બરના જીવ ટાળવે ચોંટી ગયા હતા.આ ઘટનાને પગલે રનવેને બંધ કરી દેતાં 3થી વધુ ફ્લાઇટોને ડાયવર્ટ કરવાની ફરજ પડી હતી. સુરતમાં ધોધમાર વરસાદમાં પાયલોટે ફ્લાઇટને રનવેની વચ્ચે જ લેન્ડ કરી દીધી હતી.

લેન્ડિંગ સમયે ફ્લાઇટ સ્પીડમાં હોય અને વરસાદને પગલે રનવે ભીનો હોવાથી પાયલોટે બ્રેક મારતાં ફ્લાઇટના ટાયર સ્લીપ થતાં થતા સીધા જ રનવે એન્ડ સેફ્ટી એરિયામાં જતાં રહ્યા હતા. આ ઘટનામાં કોઈ જાનહાની નથી થઈ, તમામ 47 યાત્રીઓ સુરક્ષિત છે.