સુરતમાં સ્પામાં લૂંટની ઘટના, CCTV ફૂટેજ આવ્યા સામે

સુરત : વેસુ વિસ્તારમાં એક સ્પાના કર્મચારી પર હુમલો કરી અજાણ્યા ઈસમો 20 હજારની લુંટ કરી ફરાર થઇ ગયા હતા. આ સમગ્ર ઘટના 27 જુનના રોજ બની હતી. તપાસ દરમિયાન ઘટનાના CCTV ફૂટેજ સામે આવ્યા હતાં. જેના આધારે પોલીસે આરોપીને પકડવાની તજવીજ હાથ ધરી છે.

વેસુના રૂંગટા કોમ્પલેક્સમાં ચાલતા ન્યુ મોડલ બોડી સ્પાના દીપક નામના કર્મચારી પર ગત 27મીના રોજ ચાર જેટલા યુવાનો દ્વારા હુમલો કરવામાં આવ્યો હતો. જેથી ઈજાગ્રસ્ત કર્મચારીને સિવિલ હોસ્પિટલ ખાતે ખેસડવામાં આવ્યો હતો. સમગ્ર ઘટનાની જાણ થતા ઉમરા પોલીસ દ્વારા દીપકનું નિવેદન નોંધી ફરિયાદ નોંધીને CCTV આધારે હુમલાખોરોને પકડવાની તજવીજ હાથ ધરવામાં આવી છે.