કોવિડ કાળ: સરકારી હોસ્પિટલમાં રજીસ્ટર ગર્ભવતી મહિલાઓ પ્રાઈવેટમાં જાય છે અને આપે છે 15 ટકા કોવિડ ચાર્જ

કોરોનાની અસર સૌથી વધુ કોઈ શહેરમાં જોવા મળી હોય તો તે સુરત શહેર છે. શહેરના સરકારી આરોગ્ય કેન્દ્ર અને સરકારી હોસ્પિટલોમાં કોવિડ ટેસ્ટિંગ કરવામાં આવી રહ્યો છે. ત્યારે ગર્ભવતી મહિલાઓ સરકારી હોસ્પિટલ અને આરોગ્ય સેન્ટરમાં પ્રસૂતિ કરાવવા ડરી રહી છે. તેથી ગર્ભવતી મહિલાઓ ખાનગી હોસ્પિટલમાં જઈ ડિલિવરી અથવા તો સિઝેરિયન કરાવે છે. ત્યારે મેટરનિટી હોમ દ્વારા દસથી પંદર ટકા વધારે કોવિડ ચાર્જ ગર્ભવતી મહિલાઓ પાસેથી લેવામાં આવી રહ્યો છે.

સુરત: કોરોના કાળમાં ગર્ભવતી મહિલાઓની સ્થિતિ વધારે કફોડી બની છે. જેઓએ પ્રસૂતિ માટે સરકારી આરોગ્ય કેન્દ્ર અથવા તો સરકારી હોસ્પિટલમાં રજિસ્ટ્રેશન કરાવ્યું હતું. પરંતુ હાલ કોરોના કાળના કારણે સરકારી આરોગ્ય કેન્દ્ર અને હોસ્પિટલોમાં ટેસ્ટ કરાવવામાં આવી રહ્યો છે. આથી ભયભીત ગર્ભવતી મહિલાઓ પ્રસુતિ માટે સરકારી હોસ્પિટલ ન જવું પડે તે માટે મજબૂરીમાં નજીકની ખાનગી હોસ્પિટલમાં જઈ પ્રસૂતિ કરાવવા મજબૂર બની છે. બીજી બાજુ ખાનગી નર્સિંગ હોમ દ્વારા પણ અન્ય ચાર્જની સાથે કોવિડ ચાર્જ પણ વસૂલવામાં આવી રહ્યો છે. જેમાં માસ્ક અને પીપીઈ કીટ સહિતની સુવિધાઓનો સમાવેશ કરવામાં આવ્યો છે.

આ અંગે શહેરના જાણીતા ગાયનેકોલોજિસ્ટ અને લવ એન કેર હોસ્પિટલના સંચાલક દીપ્તિ પટેલે જણાવ્યું હતું કે, અનેક હોસ્પિટલો દ્વારા કોવિડ ચાર્જ લેવામાં આવી રહ્યો છે. પરંતુ નૈતિકતાના ધોરણે આવું ન થવું જોઈએ. સરકારી હોસ્પિટલમાં કોવિડ ટેસ્ટ થતા હોવાના કારણે કેટલીક ગર્ભવતી મહિલાઓ ખાનગી હોસ્પિટલમાં પ્રસૂતિ કરાવવામાં આવી રહી છે. કોવિડ કાળમાં એક દિવસનો ચાર્જ કોવિડ વોર્ડ પ્રમાણે 15 થી 35 હજાર સુધીનો થઇ જતો હોય છે. જે એક નોર્મલ ડિલિવરી જેટલો ચાર્જ છે.કોરોના કાળમાં અનેક ગાયનેક પણ દર્દીઓના કારણે સંક્રમિત થયા છે. આ અંગે દીપ્તિ પટેલે જણાવ્યું હતું કે, કેટલીકવાર પ્રસુતિ પીડા અચાનક ઊભી થતી હોય છે અને ગર્ભવતી મહિલા હોસ્પિટલ આવી જાય છે. આવી પરિસ્થિતિમાં ટેસ્ટ કરાવવાના બદલે ડોક્ટરોની પ્રથમ ફરજ હોય છે કે, મહિલાને પ્રસુતિ કરાવે અને તેને કોઇપણ પ્રકારની હાનિ ન પહોંચે. આશરે ચારથી પાંચ કલાક સુધી મહિલા અને ડોકટર વચ્ચે નજીકનો સંપર્ક હોય છે. આવી પરિસ્થિતિના કારણે તેઓ પણ કોરોના પોઝિટિવ થઇ ગયા હતા. તેઓ 25 દિવસથી સારવાર મેળવી રહ્યા છે અને હાલ રિકવરી સ્ટેજ પર છે.તેઓએ વધુમાં જણાવ્યું છે કે, આ કોરોનાકાળમા લોકો પાસે કોવિડ ચાર્જ લેવાઈ રહ્યા છે. જેમાં પીપીઈ કીટ અને માસ્ક ચાર્જ સેફ્ટીના કારણે લેવામાં આવે છે. કારણ કે, આવી પરિસ્થિતિમાં પણ મ્યુનિસિપલ કોર્પોરેશન દ્વારા લાઇટ બિલ કે, અન્ય કોઈ રીતે ડોક્ટરોને રાહત આપવામાં આવી નથી. પરંતુ આવા કરોના કાલમાં તેઓ 24 કલાક ફરજ બજાવી રહ્યા છે.જોકે, સુરત મહાનગરપાલિકાના આરોગ્ય અધિકારી આશિષ નાયકે ટેલિફોનિક જણાવ્યું હતું કે, અત્યાર સુધી કોઈ ચાર્જ મેટરનીટી હોમ લઇ રહ્યું હોય એવી કોઇ પણ ફરિયાદ પાલિકાને મળી નથી.