સુરતના યોગેશ્વર પાર્કમાં મળી આવ્યું નવજાત બાળકીનું ભૃણ

સુરતઃ જિલ્લાના સચીન વિસ્તાર પાસે આવેલા પારડી રોડ પર યોગેશ્વર પાર્ક પાસે નવજાત બાળકીનું ભૃણ મળી આવતા ચકચાર મચી જવા પામી છે.

સચીન વિસ્તાર પાસે આવેલા પારડી રોડ ગ્રામપંચાયતની હદમાં આવેલા યોગેશ્વર પાર્ક સોસાયટી પાસે ખુલ્લા મેદાનમાં બાળકોએ રમતા-રમતા એક નાની બાળકીનું ભૃણ જોયું અને આસપાસના લોકોને ખબર પડતા ઘટનાની વાતે વાયુ વેગ પકડ્યો હતો. રહીશોએ પોલીસને જાણ કરતા પોલીસ તરત જ ઘટના સ્થળે આવી પહોંચી હતી અને પોલીસે ગુનો નોંધી તપાસ હાથ ધરી છે.

સચિન વિસ્તારમાં આવી ઘટનાછેલ્લા 1 વર્ષમાં 3 વાર બની છે, જે સમાજને કલંકરૂપ છે. આ ઘટનાની યોગ્ય તપાસ કરી ગુનેગારને તાત્કાલીક સજા મળે તેવી સ્થાનિકો દ્વારા માંગણી કરવામાં આવી છે.