કોરોના ઇફેક્ટ: આરોગ્ય પ્રધાને ETV Bharatને જણાવ્યું કે તમામ મેડિકલ સુવિધા 2થી 3 ગણી કરાશે

સમગ્ર દેશમાં અનેક કેસો બાદ કોરોના વાઇરસે ગુજરાતમાં દસ્તક આપી છે. 2 દિવસમાં 13 જેટલા પોઝિટિવ કેસ ગુજરાતમાં નોંધાયા છે. જેમાં સુરતના 3 પોઝિટિવ કેસનો પણ સમાવેશ થાય છે. આ પરિસ્થિતિને જોઈ આરોગ્ય મંત્રાલય દ્વારા નવનિર્માણ કેન્સર હોસ્પિટલમાં 120 બેડની સુવિધાઓ રાખી ખાસ આઈસોલેશન વોર્ડ તૈયાર કરવામાં આવી રહ્યો છે.

સુરત: કુમાર કાનાણીએ નવનિર્માણ કેન્સર હોસ્પિટલની મુલાકાત લીધી હતી. જ્યાં તેમણે જણાવ્યું હતું કે, સુરતના પૂર્વ કલેક્ટર મહેન્દ્ર પટેલ અને આદિવાસી પ્રધાન ગણપત વસાવા સહિતના આગેવાનો મળીને ખાસ કોરોના અંગે ખાસ ચર્ચા હાથ કરવામાં આવી હતી. જેમાં કોરોના વાઇરસના સંક્રમણને વધતા કેવી રીતે રોકી શકાય. આ માટે સુરતમાં ખાસ 72 કલાકમાં અલગથી કોરોના વાઇરસ વિભાગ શરૂ કરવામાં આવી રહ્યો છે. તેમણે આ સાથે જ જણાવ્યું હતું કે, તમામ મેડિકલ અધિકારીઓ અને ડૉક્ટરો સાથે ચર્ચા પણ કરવામાં આવી છે કે, કઈ મેડિકલ સુવિધાઓની અછત છે અને તેને 2થી 3 ગણી કેવી રીતે કરી શકાય.

આ અંગે કાનાણીએ વધુમાં જણાવ્યું હતું કે, જે રીતે દેશની સેના સીમા પર લડી દેશની સુરક્ષા કરે છે, તેવી જ રીતે ઘરે રહી દેશની સેવા કરવાનો અવસર છે. જેથી દેશમાં સંક્રમણ વધે નહીં. આ માનવજાતની લડાઈ છે અને લોકોએ માત્ર સહયોગ આપવાની જરૂર છે.