સુરતઃ સચીન જીઆઈડીસીના ઈકોનોમીક ઝોનમાં આવેલી એક પેકેજીંગ કંપનીમાં ગુરુવારે રાત્રે અચાનક જ આગ ભભૂકી ઉઠી હતી. જોતજોતામાં આગે વિકરાળ સ્વરૂપ ધારણ કરી લેતા આસપાસની કંપનીઓમાં ભયનો માહોલ છવાઈ ગયો હતો.
સચીન GIDCના ઈકોનોમિક ઝોનમાં આવેલી પેકેજિંગ કંપનીમાં ભીષણ આગ લાગી
સચીન જીઆઈડીસીના ઈકોનોમીક ઝોનમાં આવેલી એક પેકેજીંગ કંપનીમાં ગુરુવારે રાત્રે અચાનક જ આગ ભભૂકી ઉઠી હતી. જોતજોતામાં આગે વિકરાળ સ્વરૂપ ધારણ કરી લેતા આસપાસની કંપનીઓમાં ભયનો માહોલ છવાઈ ગયો હતો.
![સચીન GIDCના ઈકોનોમિક ઝોનમાં આવેલી પેકેજિંગ કંપનીમાં ભીષણ આગ લાગી Etv Bharat, GUjarati News,Surat News](https://etvbharatimages.akamaized.net/etvbharat/prod-images/768-512-7484310-thumbnail-3x2-surat.jpg)
આ કંપનીમાં લાગેલી આગને પગલે આસપાસની કંપનીમાં કામ કરતા કર્મચારીઓમાં ભયનો માહોલ છવાઈ ગયો હતો અને ભાગદોડ મચી ગઈ હતી. આ બનાવની જાણ થતા સચીન જીઆઈડીસીનો ફાયર સ્ટાફ ઘટના સ્થળે દોડી ગયો હતો અને આગ પર કાબુ મેળવવાના પ્રયાસો હાથ ધર્યા હતા.
જોકે આગે વિકરાળ સ્વરૂપ ધારણ કરતા સુરત મનપાના ફાયર બ્રિગેડની પણ મદદ લેવામાં આવી હતી. સુરત ફાયર બ્રિગેડની ત્રણે ગાડીઓ પણ ઘટનાસ્થળે દોડી ગઈ હતી અને ભારે જેહમત બાદ મોડી રાત્રે આગ પર કાબુ મેળવી લીધો હતો. સદનસીબે આગની આ ઘટનામાં કોઈને ઈજા કે જાનહાની થઈ ન હોવાનું જાણવા મળ્યું છે.