સુરતમાં મહિલા પર પૂર્વ પતિએ કર્યો એસિડ એટેક

સુરત: જિલ્લામાં મહિલા પર પૂર્વ પતિએ એસિડ એટેક કર્યો હતો. જેમાં સવા મહિના પહેલા જ ભોગ બનનાર મહિલાના તેના પતિ સાથે તલાક થયા હતાં. એસિડ એટેકનો ભોગ બનેલી મહિલાની હાલત હાલમાં ગંભીર છે જેેને વધુ સારવાર અર્થે સુરત નવી સિવિલ હોસ્પિટલ ખાતે ખસેડવામાં આવી છે.

ભાઠેના રઝા નગર વિસ્તારમાં રહેતી મહિલા ઉપર તેના પૂર્વ પતિએ એસિડ અટેક કર્યો હતો. હુમલાખોર પૂર્વ પતિ નદીમ સલીમ શેખ ત્યારબાદથી ફરાર છે. મહિલાની હાલત હાલમાં ગંભીર છે.

પતિ નદીમ સતત ચારિત્ર્યની શંકા રાખી અવારનવાર મારઝૂડ કરવાની સાથે સાથે એસિડ એટેકની ધમકી આપતો હતો. પતિ પત્નીના તલાક ગત 12મી નવેમ્બરના રોજ થયા હતાં. તલાકના સવા મહિનામાં જ પતિએ હુમલો કર્યો હતો. હાલ નદીમ ફરાર છે જેને લઇને પોલીસે ફરારને ઝડપી પાડવા આગળની કાર્યવાહી હાથ ધરી છે.