સાબરકાંઠાના હિંમતનગરમાં બે મકાનની દીવાલ ધરાશાયી

વરસાદી ચક્રવાતના પગલે સમગ્ર ગુજરાતમાં ભારે તબાહી સર્જાઇ છે, ત્યારે સાબરકાંઠાના હિંમતનગરમાં પણ વરસાદના પગલે બે મકાનની દીવાલ ધરાશાયી થઈ છે. જો કે આગામી સમયમાં વરસાદ યથાવત્ રહે તો વધુ નુકસાન થવાની સંભાવના છે.

• હિંમતનગરના મહાવીરનગરમાં બે મકાનની દીવાલ ધરાશાયી
• પાલિકાના પાપે મકાનની દીવાલ તૂટી
• વરસાદ વધારે આવે તો બે મકાન ધરાશાયી થવાની સંભાવના

સાબરકાંઠા: વરસાદી ચક્રવાતના પગલે સમગ્ર ગુજરાતમાં ભારે તારાજી સર્જાઇ છે. જેમાં અસંખ્ય વૃક્ષો વિજપુર તેમજ મકાનો અને ભારે નુકસાન થયું છે, ત્યારે સાબરકાંઠાના હિંમતનગરમાં પણ વરસાદી વાવાઝોડાંને પગલે મહાવીરનગર વિસ્તારમાં બે મકાનની દીવાલ ધરાશાયી થઇ છે. જો કે પાલિકા તંત્ર દ્વારા અપાયેલી પરમિશનના પગલે ખોટી જગ્યા ઉપર બાંધકામની મંજૂરી આપતા આસપાસના વિસ્તારમાં પાણી ભરાયાના પગલે બે મકાનની દિવાલો તુટી પડી છે. જો કે સમય જતાં આ પગલે હાલમાં કોઇ જાનહાની સર્જાઈ નથી.

આ પણ વાંચો: જામનગરમાં નકલી ફાયર સેફ્ટી સાધનોનું વેચાણ, તંત્રની બેદરકારી

વૃક્ષો સહિત જાનમાલને વ્યાપક નુકસાન થયું

સામાન્ય રીતે કમોસમી વરસાદ કે વાવાઝોડાના પગલે કેટલાય લોકોને જાનમાલનું નુકસાન થતું હોય છે. ત્યારે ગઈ કાલે એટલે કે 18 મેએ સર્જાયેલા વરસાદી વાવાઝોડાએ કેટલાય વૃક્ષો સહિત જાનમાલને વ્યાપક નુકસાન થયું છે, ત્યારે હિંમતનગરના મહાવીરનગર વિસ્તારમાં પણ પાલિકાએ ખોટી જગ્યાએ બાંધકામ કરવાની પરમિશનના પગલે બે મકાનોની દીવાલ ધરાશાયી થઇ છે. પાણીના નિકાલની જગ્યાએ બાંધકામ થવાના પગલે પાણી બહાર ન નીકળી શકતા બે મકાનની દિવાલો તુટી પડી છે. વરસાદ થાય તો બન્ને મકાનો સંપૂર્ણપણે તૂટી પડે તેમ છે.

આ પણ વાંચો: તંત્રની બેદરકારી, કોરોના મહામારીમાં ખાનગી હૉસ્પિટલને સારવારની મંજૂરી પરંતુ ફાયરનું NOC નહીં

પાલિકાએ આપેલી પરમિશન ખોટી

હિંમતનગર નગરપાલિકા દ્વારા છેલ્લા કેટલાક સમયમાં આપવામાં આવેલી પરમિશન ખોટી જગ્યાએ અપાઈ હોવાના પગલે સાબરકાંઠાના હિંમતનગરમાં બે મકાનોની દિવાલો તુટી પડી છે. સામાન્ય રીતે પાણીના નિકાલની જગ્યાએ કોઈ પણ પ્રકારના બાંધકામની પરમિશન આપતી નથી, ત્યારે હિંમતનગર નગરપાલિકા દ્વારા પાણીના નિકાલની જગ્યાએ પરમિશન આપતા સામાન્ય બાંધકામ થયું હતું. જેના પર પાણીનો નિકાલ ન થઇ શકતા હાલમાં બે મકાનોની દિવાલ ધરાશયી થઇ છે. જો કે આગામી સમયમાં વરસાદ યથાવત્ રહે તો બન્ને મકાનો સંપૂર્ણપણે નાશ પામે તેમ છે.

વધુ બે મકાનનું સંપૂર્ણપણે નષ્ટ થાય તેમ છે

જો કે પાલિકા તંત્ર દ્વારા આપવામાં આવેલી પરમિશન આગામી સમયમાં યથાવત્ રાખવાની સાથે-સાથે વધુ વરસાદ થાય તો હિંમતનગર નગરપાલિકા વિસ્તારમાં વધુ બે મકાનનું સંપૂર્ણપણે નષ્ટ થાય તેમ છે. ત્યારે જોવાનું એ રહે છે કે, આ મામલે તંત્ર આગામી સમયમાં કેવા અને કેટલા પગલાં ભરે છે.