દીપડાએ હુમલો કરી પિતા-પુત્રને ઇજાગ્રસ્ત કર્યા

સાબરકાંઠા જિલ્લામાં આવેલા મહીવાડા ગામે ખેતરમાં કામ કરતા પિતા-પુત્ર પર દીપડાએ હુમલો કરતા પિતાની હાલત ગંભીર બની હતી. તેમને સારવાર અર્થે ઇડર ખાનગી હોસ્પિટલમાં સારવાર અર્થે દાખલ કરવામાં આવ્યા હતા. વન વિભાગને ઘટનાની જાણ થતા વન વિભાગની ટીમ ઘટના સ્થળે પહોંચી વધુ તપાસ હાથ ધરી છે.

• સાબરકાંઠાના ઇડર ના મહીવાલ ગામે દીપડાનો હુમલો
• દીપડાએ હુમલો કરતા પિતાને ગંભીર હાલતમાં હોસ્પિટલ ખસેડાયા
• સ્થાનિકોમાં ફેલાયો ગભરાટ

સાબરકાંઠા : જિલ્લામાં આવેલા ઇડર તાલુકાના મહીવાડા ગામે શનિવારના રોજ ખેતરમાં કામ કરતા પિતા-પુત્ર પર અચાનક દીપડાએ કરેલા હુમલાના પગે પિતા ગંભીર હાલતમાં ખાનગી હોસ્પિટલ ખસેડાયા છે. જોકે, દીપડાએ કરેલા હુમલાના પગલે સમગ્ર વિસ્તારમાં ભારે ગભરાટ સર્જાયો છે. ગત કેટલાક સમયથી સ્થાનિકો દ્વારા વન વિભાગને આ વિસ્તારમાં દીપડો હોવાની વારંવાર રજૂઆત કરવામાં આવી હોવા છતા આજદિવસ સુધી વન વિભાગ કોઈપણ પ્રકારની કાર્યવાહી ન કરતા આજે અચાનક દીપડાએ હુમલો કર્યાના પગલે વન વિભાગની ટીમ ઘટના સ્થળે પહોંચી હતી. જોકે, માનવભક્ષી દીપડાએ કરેલા હુમલા બાદ વન વિભાગ સતર્ક બની છે. ત્યારે આગામી સમયમાં આવી અન્ય ઘટના ન બને તે માટે વન વિભાગના ચોક્કસ પગલા લે તેવી માગ સ્થાનિકોએ કરી છે.

ઇડરના મહીવાડા ગામે દીપડાનો હુમલો

સાબરકાંઠાના ઇડરના મહીવાડા ગામની સીમમાં આવેલા ખેતરમાં કામ કરી રહેલા પિતા-પુત્ર પર અચાનક દીપડાએ હુમલો કર્યો હતો. જોકે, ઇડરમાં બે માસ અગાઉ ગઢની આસપાસના વિસ્તારમાં દીપડો દેખાયો હોવાના સમાચાર વહેતા થયા હતા. ત્યારે વન વિભાગ દ્વારા આ વિસ્તારમાં કોઈપણ પ્રકારની કાર્યવાહી કરવામાં આવી ન હતી. આ સાથે સ્થાનિકોના જણાવ્યા અનુસાર છેલ્લા કેટલાક સમયથી દીપડો દેખાવાની ઘટનાની જાણ વન વિભાગને કરવામાં આવી હોવા છતાં આજદિન સુધી આ મામલે વિભાગ ચોક્કસ કાર્યવાહી કરી ન હતી. માનવભક્ષી દીપડાએ અચાનક હુમલો કરતા માહીવાડા ગામના ખેડૂતની હાલત ગંભીર બની રહી છે.