વિજયનગર: વીજકંપનીની બેદરકારીના લીધે ખેડૂતોના ઘઉંના પાકમાં આગ લાગતા લાખોનું નુકસાન

સાબરકાંઠાઃ વિજયનગરના ચિઠોડામાં ખેડૂતોના ઘઉંના ઉભા પાકમાં આગ લાગી હતી. જેના પગલે ખેડૂતોને લાખો રૂપિયાનું નુકશાન થયું હતું

શનિવારે અચાનક ચિઠોડા વિસ્તારમાં આવેલા ઘઉંના પાકમાં વીજ વાયરના તણખા પડતા આગ લાગી હતી. જેના પગલે આ વિસ્તારના સ્થાનિકો તાત્કાલિક ધોરણે આગ લાગેલા વિસ્તાર સુધી દોડી આવ્યા હતા. આગ ઓલવવાનો પ્રયાસ કરવાથી જેના પગલે આગ પર કાબુ મેળવાયો હતો.

વિજયનગરમાં આગ લાગવાનો શનિવારે સતત બીજો બનાવ બન્યો હતો. આ વિસ્તારમાં વીજ વિભાગ દ્વારા કોઈ ઠોસ પગલાં ભરાયા નથી, ત્યારે સ્થાનિકોમાં પણ ઉત્તર ગુજરાત વીજ કંપની સામે રોષનો માહોલ ફેલાયો છે. એક તરફ ઘઉંનો તૈયાર થયેલા પાક સામે વીજ કંપનીની આડાઇના પગલે આગ લાગતા લાખોનું નુકસાન રહ્યું છે, ત્યારે આ મુદ્દે વીજ કંપની દ્વારા વીજપોલ પર આવેલા વીજતારને એકબીજા ને અડકતા અટકાવવા પ્રયાસ કરાય તો ઉભા પાકમાં આગ લાગવાના બનાવો અટકાવી શકાય તેમ છે.