જિલ્લાની ઇડર નગરપાલિકા દ્વારા વોર્ડ નંબર-7 માં રેલવે સ્ટેશન વિસ્તારમાં છેલ્લા દોઢ માસથી RCC રોડ બની રહ્યા છે. જો કે ગોકળ ગતિએ ચાલતુ આ કામ શરૂ કરાયા બાદ બંધ કરી દેવાયું છે. જેના પગલે સ્થાનિકોને ભારે હાડમારીનો સામનો કરવો પડે છે. એક તરફ રોજિંદા કામ માટે અવર-જવર કરવામાં મુશ્કેલી સર્જાઇ રહી છે. તો બીજી તરફ પાલિકા દ્વારા આ મુદ્દે કોઈ ધ્યાન ન દોરવાતા હજુ સુધી રોડનું કામ બંધ હાલતમાં છે.
ઇડરમાં તંત્રના પાપે એક વૃદ્ધાએ જીવ ગુમાવ્યો સ્થાનિકો પારાવાર મુશ્કેલીઓનો સામનો કરી રહ્યા છે. જે દરમિયાન સોમવારે એક વૃદ્ધ મહિલા રોડ બનાવવા માટે બનાવેલા ખાડામાં પડી જતાં મૃત્યુ થયું હતું. જેના પગલે સ્થાનિકોમાં ભારે વિરોધનો માહોલ સર્જાયો હતો. આ ઘટનાના પગલે સ્થાનિક વિસ્તારની મહિલાઓએ નગરપાલિકા ખાતે હોબાળો મચાવ્યો હતો. નગરપાલિકાના ચીફ ઓફિસર આ મુદ્દે તાત્કાલિક ધોરણે કામ શરૂ કરવાની ખાત્રી આપતાં મામલો સમેટાયો હતો. જો કે આગામી સમયમાં આ મુદ્દે સમગ્ર વિસ્તારમાં બારે હંગામો સર્જાય તો નવાઈ નહીં.
