નદીમાં ન્હાવા ગયેલા યુવક પર મગરે કર્યો હુમલો

સાબરકાંઠાઃ નદીમાં ન્હાવા ગયેલા યુવક પર મગરે હુમલો કર્યો હતો. જેમાં યુવકના પગ પર ગંભીર ઇજાઓ થતા તેને તાત્કાલિક ખેડબ્રહ્મા જનરલ હોસ્પિટલ લઇ જવાયો હતો.

પોશીના તાલુકાના કૂકડી ગામે આવેલ નદીમાં ન્હાવા પડેલા સેબલિયા ગામના 40 વર્ષીય ગુજરા ગમાર પર મગરે હુમલો કર્યો હતો. તેમના મિત્રોનું ધ્યાન જતાં યુવકને બહાર ખેંચી લેતા તેનો આબાદ બચાવ થયો હતો.

સમગ્ર ઘટનાની જાણ થતા લોકોના ટોળા ઉમટી પડયા હતા. જોકે, યુવાનને પગમાં ગંભીર ઇજાઓ થતા તેને તાત્કાલિક ખેડબ્રહ્મા જનરલ હોસ્પિટલ ખાતે સારવાર અર્થે ખસેડાયા હતા.