રાજકોટ લોકસભાની બેઠકના ભાજપ ઉમેદવાર મોહન કુંડારિયા સાથે ETVની ખાસ વાતચીત

રાજકોટ: હાલમાં સમગ્ર દેશમાં ચૂંટણીનો માહોલ છે. ત્યારે ગુજરાતમાં આગામી 23 એપ્રિલના રોજ મતદાન યોજાવાનું છે. જેને લઈને હાલ ગુજરાતમાં પણ અલગ-અલગ પક્ષો દ્વારા પોતાના ઉમેદવારો જાહેર કરાયા છે. ભાજપ દ્વારા રાજકોટ લોકસભાની બેઠક પરથી ફરી મોહન કુંડારિયાને ટિકિટ અપાઈ છે. ત્યારે આ અંગે ETV ભારત દ્વારા મોહન કુંડારિયા સાથે ખાસ વાતચીત કરવામાં આવી હતી.

રાજકોટ બેઠક પરથી ફરી ભાજપ દ્વારા વર્તમાન સાંસદ મોહન કુંડારિયાના નામ પરમહોર મારવામાં આવી છે. ત્યારે અગાઉ લોકસભાની ચૂંટણીમાં મોહનભાઈએ એ વખતના અને હાલમાં ભાજપમાં જોડાયેલ કેબિનેટ પ્રધાન કુંવરજી બાવળિયાને હરાવ્યા હતા.

હાલની સ્થિતીજોતા કુંવરજી બાવળિયા પણ હવે ભાજપમાં જોડાયા છે. બીજી તરફ કોંગ્રેસ પાસે આ બેઠક માટે કોઈ સક્ષમ ઉમેદવાર પણ નથી. મોહન કુંડારિયાએ ETVભારત સાથેની વાતચીતમાં જણાવ્યું હતું કે, રાજકોટની જનતાએ અગાઉ પણ 2 લાખ કરતા વધારે લીડથી વિજયી બનાવ્યો હતો. ત્યારે ફરી આ વખતે બમણી લીડ સાથે મને જીતાવશે.