વિદેશી દારૂની બદીને નાથવા પોલીસતંત્ર દ્વારા કમર કસવામાં આવી છે. ત્યારે ગોમટા ચોકડી પાસે રાજકોટ એલસીબી પોલીસે વિદેશી દારૂ ભરેલા એક ટ્રકને પકડી પાડયો હતો અને રૂપિયા 40 લાખના મુદ્દામાલ સાથે ચાર શખ્સોની ધરપકડ કરી કાર્યવાહી હાથ ધરી હતી.
રાજકોટ શહેરના ગોમટા ચોકડી પાસે રાજકોટ LCBએ 40 લાખનો વિદેશી દારૂનો જથ્થો પકડ્યો
રાજકોટઃ ગોંડલ નેશનલ હાઇવે ગોમટા ચોકડી પાસે 40 લાખના વિદેશી દારૂના જથ્થા સાથે ચાર શખ્સો ઝડપાયા છે, આરોપીઓ રાજસ્થાનના ટ્રકને કાર મારફત પાયલોટિંગ આપવામાં આવતું હતું. ગોમટા ચોકડી પાસે ચા-નાસ્તો કરવા રોકાયા અને એલસીબી પોલીસના હાથે ઝડપાયા.
રાજકોટ શહેરના ગોમટા ચોકડી પાસે રાજકોટ LCBએ 40 લાખનો વિદેશી દારૂનો જથ્થો પકડ્યો
ઉપરોક્ત દારૂની હેરાફેરીમાં ટ્રક ચાલક ગણપતલાલ લાલારામ બિશનોઈ (રહે રાજસ્થાન) દલપત કુમાર ફલગુરામ બિશનોઈ (રહે રાજસ્થાન) તેમજ ટ્રકને પાયલોટિંગ કરતા પવનકુમાર મહેન્દ્ર જાટ અને દેવેન્દ્ર ઉર્ફે ધીરુ મોહનરામ ડુંકિયા ની ધરપકડ કરી કાર્યવાહી હાથ ધરી હતી. ઉપરોક્ત વિદેશી દારૂનો જથ્થો સુરેશ રાજસ્થાની અને પંકજ હરિયાણી મોકલ્યાનો આરોપીઓએ પોલીસ સમક્ષ કબુલ્યું હતું.