ધોરાજીમાં કાયદાનું પાલન કરાવનારા અધિકારીની ઓફીસમાં જ ફાયર સેફટીનો અભાવ

રાજકોટઃ સુરતની ઘટનાને લઈને ધોરાજી તંત્ર જાગ્યું છે. ફાયર સેફ્ટી માટે સંસ્થાઓનું ચેકીંગ અને ત્યાર બાદ નોટિસ આપવામાં આવી હતી. પરંતુ ધોરાજીના સરકારી તંત્ર પાસે જ ફાયર સેફ્ટીના સાધનો નથી. ધોરાજીમાં કાયદાનું પાલન કરાવનારા અધિકારીની ઓફીસમાં જ કાયદાનું ખુલ્લે આમ ઉલ્લંઘન થઇ રહ્યું છે.

રાજકોટ જિલ્લાના ધોરાજીમાં કાયદાનું પાલન કરાવનારા અધિકારીની ઓફીસમાં જ કાયદાનું ખુલ્લે આમ ઉલ્લંઘન ધોરાજીની સરકારી કચેરીઓમાં અમુક જગ્યાને બાદ કરતા કયાંય પણ ફાયર સેફ્ટીના સાધનો નથી. અમુક બહુમાળી ઈમારતો સિવાય કયાંય પણ ફાયર સેફ્ટીના સાધનો નથી તથા નિયમો અનુસાર ફાયર સેફ્ટી નથી. જેમાં જૂની ભગવતસિંહજી હાઈસ્કૂલના જર્જરિત બિલ્ડીંગમાં ડેપ્યુટી કલેકટર સહિત 5 ઓફીસો આવેલી છે. જેમાં પણ ફાયર સેફ્ટીના સાધનો નથી. ડેપ્યુટી કલેકટર કચેરીમાં ફાયર સેફ્ટી સાધનો નથી. જે બાબતે અમે પણ તાત્કાલિક વ્યવસ્થા કરીશું તેવુ ડેપ્યુટી કલેકટરે જણાવ્યું હતું.

સમગ્ર ગુજરાતમાં ફાયર સેફ્ટીના સાધનો બાબતે સધન ચેકીંગ ચાલી રહ્યું છે ત્યારે ધોરાજી ડેપ્યુટી કલેકટર પાસે ફાયર સેફ્ટીના સાધનો ના હોય તો સીલ મારવાનો પાવર ધરાવે છે. આ બાબતે ડેપ્યુટી કલેકટર જી.વી.મિયાણીનો સંપર્ક કરતાં જણાવેલું કે, ધોરાજીમાં ગેરકાયદેસર ટયુશન કલાસ, હોસ્પિટલો, બહુમાળી બિલ્ડીંગો વગેરેમા જયાં ફાયર સેફ્ટીના સાધનો નથી. તેઓને નોટિસ પાઠવવામા આવશે અને જરૂર પડ્યે તો સીલ પણ કરવામાં આવશે. જ્યારે ધોરાજી ડેપ્યુટી કલેકટર કચેરીમાં ફાયર સેફ્ટી સાધનો નથી. આ બાબતે ડેપ્યુટી કલેકટરને પૂછતા ડેપ્યુટી કલેકટર મૂંઝાયા હતાં.

આમ જોતાં જેમની પાસે 3 તાલુકાનો પાવર છે. તેવાં ડેપ્યુટી કલેકટર ઓફીસમાં જ કાયદાનું ઉલ્લંઘન હોય તો તેની સામે કોણ પગલાં ભરશે તે પણ ચર્ચાનો મુદ્દો બની ગયો છે. આ બાબતે કોણ અને ક્યારે કેવી રીતે પગલાં તંત્ર લેશે એ પણ એક પ્રશ્ન ધોરાજીનાં બુધ્ધિજીવીઓમાં ચર્ચાનો વિષય બની ગયો છે. તબેલામાંથી ઘોડા ભાગી ગયા બાદ તબેલામાં તાળાં મારવામાં આવી રહયા હોય તેવો ઘાટ સર્જાયો છે.