ગોંડલમાં જાહેરમાં ફાયરિંગ કરનારાની ધરપકડ

ગોંડલ: શહેરના ઉગમ સર્કલ પાસે ત્રણ દિવસ પહેલા હવામાં ફાયરિંગ કરનાર શખ્સ ઝડપાયો. ગોંડલના માવિયા રોડ પર બાઈક પર ઉભેલા ભગવતપરાના બે શખ્સો સૂમરો નામના કોઇ વ્યકિત વિશે પૂછીને હવામાં ફાઇરિંગ કરીને રવાાના થયા હતા.

ગોંડલના મોવિયા રોડ પર ત્રણ દિવસ પહેલા ઉગમ સર્કલ પાસે હવામાં ફાયરિંગ કરી નાસી છુટેલા શખ્સને LCB પોલીસે વોરાકોટડા રોડ પર પિસ્તોલ સાથે ઝડપી પાડ્યો છે. શખ્સને પકડી વધુ કાર્યવાહી હાથ ધરવામાં આવી છે.

ઉલ્લેખનીય છે કે, આજથી ત્રણ દિવસ પહેલા ભગવતપરામાં રહેતો અફઝલ ચૌહાણ ઉગમ સર્કલ પાસે ઉભો હતો, ત્યારે ઈમરાન હાસનભાઈ કટારીયા તેમજ ભોલુ દિલાવર મકરાણીએ મોટરસાયકલ પર ધસી આવી સુમરો ક્યાં છે, તેવો પ્રશ્ન અફઝલને પુછ્યો હતો અને હવામાં ફાયરિંગ કર્યું હતું.

આ વાતની પોલીસને જાણ થતાં તેમણે ઇમરાન અને ભોલુને શોધવા તપાસનો ધમધમાટ શરૂ કર્યો હતો. આ દરમિયાન LCB પોલીસે બાતમીના આધારે વોરાકોટડા રોડ પરથી ઇમરાન હાસમ કટારિયાને પિસ્તોલ સાથે ઝડપી લીધો છે.