રાજકોટમાં ટ્રક અને યુટિલિટી વચ્ચે અકસ્માત થતાં 1નું મોત

રાજકોટઃ ગોંડલ રાજકોટ વચ્ચેના નેશનલ હાઈ-વે પર બંધ પડેલાં ટોરસ ટ્રક પાછળ યુટીલીટી કાર ઘૂસી જતાં અકસ્માત સર્જાયો હતો. જેમાં 3ને ગંભીર ઈજા થઈ હતી, તેમાંથી 1નું સારવાર પહેલાં જ મોત નીપજ્યું હતું. ત્યારે 2ની હાલત વધુ ગંભીર થતાં તેમને રાજકોટ હૉસેપિટલમાં ખસેડાયા હતા. આ ઘટના અંગે ગોંડલ તાલુકા પોલીસે યુટીલીટીના નંબર આધારે પ્રાથમિક તપાસ હાથ ધરી હતી.

આ અકસ્માતમાં યુટીલીટીમાં સવાર 3 વ્યક્તિઓને ગંભીર ઈજા થઈ હતી. ઈજાગ્રસ્તોને તાત્કાલિક ધોરણે એમ્બ્યુલન્સ મારફતે ગોંડલની સરકારી હોસ્પિટલમાં સારવાર અર્થે ખસેડવામાં આવ્યા હતાં. જેમાં 1 વ્યક્તિનું સારવાર પહેલાં જ મોત નિપજ્યું હતું અને અન્ય 2 વ્યક્તિઓની હાલત વધુ પડતી ગંભીર જણાતા તેને પ્રાથમિક સારવાર આપ્યા બાદ સારવાર અર્થે રાજકોટ ખસેડવામાં આવ્યા હતાં.

આ અકસ્માતનો ભોગ બનેલાં વ્યક્તિઓમાં મૃતક અને ઈજાગ્રસ્તોના નામ હજુ સામે આવ્યા નથી. જેમને લઈ ગોંડલ તાલુકા પોલીસે યુટીલીટીના નંબર આધારે પ્રાથમિક તપાસ હાથ ધરી હતી.